Jambyl oblysynda bolǵan jarylys óte aýyr jaǵdaı. Jarylystyń kesirinen qaza tapqan azamattarymyzdyń jaqyndary men týystaryna qaıǵyryp kóńil aıtamyn. Qandaı qıyn, aýyr jaǵdaı ekenin jan-júregimizben túsinip turmyz, osy aýyrtpalyqty el bolyp kótersek biraz jeńildigi bolatyn shyǵar. Ótkende jarylys kezinde aýyl azamattary bir-birine demeý bolyp, aýyl adamdaryna qol ushyn sozyp jatqanyn áleýmettik jeliden kórdik.
Biz bir-birimizge osyndaı sátterde qolushyn soza bilsek, qandaı aýyrtpalyq bolsyn jeńemiz. Endi biz osy jaǵdaıdan sabaq alyp, bolashaqta mundaı úlken qaýip-qaterlerdi boldyrmaýymyz kerek.
Qazir ol jaqta qanshama memlekettik qyzmetkerler, qutqarýshylar, dárigerler kún-tún demeı adamdardy emdep, aıanbaı júgirip júr. Solardyń barlyǵyna alǵysym sheksiz.
Endi osyndaı qaıǵyly jaǵdaılar bolmasyn dep tileıik, elimiz aman, jurtymyz tynysh bolsyn!