Aýyl sharýashylyǵy mınıstri Aıdarbek Saparov Úkimet otyrysynan keıin ótken baspasóz máslıhatynda Astanada et baǵasy qansha ekenin aıtty, - dep habarlaıdy Aqshamnews.kz.
- Et baǵasy týraly osyǵan deıin de aıttyq. Syrtqy naryqta suranys artyp, ishte baǵa biraz kóterildi. Qazir turaqtanyp qaldy. Búgin tańdaǵy statısıka boıynsha 1 kılogramm ettiń ortasha baǵasy 3 249 teńge bolyp tur. Keshe dúkender men bazarlarǵa mamandardy jibergem. Qolymda tipti sýretteri de bar. 3500-3600 teńgeden satylyp jatyr. Iá, keı jerde 4300-5000 teńgeden de satyp tur. Biraq bul "premıým-sanatqa" jatatyn, súıeksiz sylyp alyp satatyn et. Jalpy ortasha baǵa turaqty. Ázirge osy deńgeıde saqtalady, - dedi ol.
Mınıstr keler jylǵa boljam aıtýdan tartynǵanymen, qazirgi deńgeıdi saqtaýǵa tolyq múmkindik bar ekenin jetkizdi.
Kelesi jylǵa aldyn ala boljam jasamaı-aq qoıaıyq. Osy deńgeıde saqtaýǵa tyrysamyz. Óıtkeni tiri maldy syrtqa shyǵarýǵa tyıym salǵanbyz. Ettiń ózin lımıtpen kvota arqyly shyǵaryp otyrmyz. Sondyqtan másele týyndamaý kerek, - dedi Aıdarbek Saparov.
Eske sala keteıik, buǵan deıin et baǵasy 15 myńǵa deıin qymbattaıdy.