Bıznesti keńeıtýge beriledi.
2023 jyldan bastap aýyl halqynyń tabysyn arttyrý jónindegi jobanyń aýqymyn keńeıtý sheńberinde qazaqstandyqtardyń tıimdi sharttarmen shaǵyn nesıe alý múmkindigi bolady, dep habarlaıdy Almaty-akshamy.kz Inbusiness.kz cilteme jasap.
Ol bıznes ashýǵa jáne jumys istep turǵan bıznesti keńeıtýge beriledi.
"Syıaqynyń nomınaldy mólsherlemesi jyldyq 2,5%, merzimi 7 jyldan aspaıtyn, kepilmen qamtamasyz etilgen. Nesıeniń eń joǵary somasy - 2,5 myń AEK nemese shamamen 7,9 mln teńge, iri kooperasıany damytý úshin – 8 myń AEK nemese shamamen 25,4 mln teńge. Nesıe qarajatyn berý operatorlaryn oblystardyń jergilikti jerlerdegi ákimdikteri memlekettik satyp alýdy ótkizý arqyly aıqyndaıdy. Uıymdastyrýshylyq jumysyn eskere otyryp, alǵashqy mıkronesıeler 2023 jyldyń birinshi toqsanynyń sońynda berile bastaıdy dep kútilip otyr", – dep habarlady Aýyl sharýashylyǵy mınıstrliginen.
Aıta keteıik, aýyl halqynyń tabysyn arttyrý boıynsha pılottyq joba alǵash ret 2019 jyly Jambyl oblysynda bastaldy. Memleket basshysy Úkimettiń keńeıtilgen otyrysynda bul baǵdarlamany búkil Qazaqstan boıynsha keńeıtýdi tapsyrdy.
2023 jyly jobany iske asyrý úshin respýblıkalyq búdjetten 11 myńnan astam shaǵyn qaryz berý josparymen 52,4 mlrd teńge bólý kózdelip otyr.