Aýyl sharýashylyǵy vıse-mınıstri Amanǵalı Berdalın Úkimet otyrysynan keıin ótken baspasóz máslıhatynda aýlanǵan kıiktiń eti qalaı daıyndalatynyn jáne onyń halal talaptaryna saı ekenin aıtty, - dep habarlaıdy Aqshamnews.kz
Jýrnalıserdiń "Kıik eti adal soıylǵanyna qandaı kepildik bar?"degen suraǵyna jaýap bergen vıse-mınıstr:
"Aýlanǵan kıiktiń bári mindetti túrde baýyzdalady. Etke jiberilmes buryn veterınarıalyq-sanıtarıalyq saraptamadan ótedi. Saraptamadan ótpegen et satýǵa jiberilmeıdi. Bul jumysqa tıisti ınspektorlar tartylǵan", — dedi Berdalın.
Onyń aıtýynsha, kıik mekendeıtin óńirlerdiń topyraǵy men sýy, sondaı-aq jaıylymdaǵy basqa janýarlar da aýrýǵa tekseriledi."
Sondyqtan kıik etin soıý men satýǵa qatysty kúmán bolmaýy kerek. Qatań baqylaý bar. Qoryqpaı-aq alýǵa bolady", — dedi vıse-mınıstr.
Qazirgi ýaqytta 15 et kombınaty kıik etin óńdeýge jumyldyrylǵan.