4 mamyr kúni aýa raıynyń buzylýyna baılanysty "Qazgıdromet" birneshe óńirde eskertý jarıalady, dep habarlaıdy Almaty-akshamy.kz QazAqparatqa silteme jasap.
Almaty qalasynda 4 mamyr keshke jáne 5 mamyr túnde qatty jańbyr kútiledi. 4 mamyr tańerteń jáne kúndiz, 5 mamyr táýlik boıy naızaǵaı jarqyldaıdy. 5 mamyr burshaq jaýady. Soltústik-shyǵystan jel soǵady, naızaǵaı kezinde ekpini 15-20 m/s jetedi.
Qaraǵandy oblysynyń shyǵysynda, ortalyǵynda naızaǵaı oınaıdy. Soltústik-shyǵystan, shyǵystan jel soǵady, oblystyń soltústiginde, shyǵysynda, ortalyǵynda kúshi 15-20 m/s artady.
Kúndiz Aqmola oblysynyń ońtústik-batysynda naızaǵaı boljanady. Shyǵystan, ońtústik-shyǵystan jel soǵady, kúshi oblystyń ońtústiginde 15-20 m/s quraıdy.
Túrkistan oblysynyń taýly jáne taý bókterli aýdandarynda qatty jańbyr jaýady. Óńirdiń soltústiginde, ońtústiginde, batysynda, taýly jáne taý bókterli aýdandarynda naızaǵaı, daýyl, burshaq boljanady. Jeldiń kúshi ońtústik-batystan soltústik-batysqa aýysyp, naızaǵaı kezinde 17- 22 m/s quraıdy.
Shymkent qalasynda túnde qatty jańbyr jaýady. Keı ýaqytta naızaǵaı, daýyl kútiledi. Jeldiń kúshi ońtústik-batystan soltústik-batysqa aýysyp, naızaǵaı ýaqytynda ekpini 17- 22 m/s quraıdy.
Qyzylorda oblysynyń shyǵysynda naızaǵaı oınap, daýyl soǵady. Nur-Sultan qalasynda shyǵystan, ońtústik-shyǵystan jel soǵady, ekpini 15-20 m/s artady.
Qostanaı oblysynyń ońtústiginde naızaǵaı oınap, shyǵystan 15-20 m/s jyldamdyqpen jel soǵady.
Jambyl oblysynda qatty jańbyr kútiledi. 4-6 mamyrda oblystyń soltústiginde, ońtústiginde, taýly aýdandarynda naızaǵaı jarqyldap, burshaq jaýady, daýyl bolady. 4 mamyrda keı ýaqytta jeldiń kúshi 25 m/s artady.
Budan bólek, 4-5 mamyrda Túrkistan jáne Jambyl oblystarynda, 4-6 mamyrda Almaty oblysynyń jáne Almaty qalasynyń mańyndaǵy taýly aýdandarda aǵyndy sýlar qalyptasyp, ózenderde sý deńgeıi kóterilýi yqtımal.