Kesheli beri jekemenshik qus fermasyndaǵy 2 myńǵa jýyq taýyq pen 500-deı qaz-úırekke vaksına egildi
Atyraý oblysynda qus tumaýynyń tirkelýine baılanysty úı qustaryna vaksına salyna bastady, dep habarlaıdy Almaty-akshamy.kz «Habar 24» telearnasyna silteme jasap.
Qala aýmaǵyndaǵy egý jumysyn júrgizý úshin veterınarıalyq preparattardyń respýblıkalyq qorynan 6291 doza bólingen bolatyn. Qazir 4 brıgadaǵa toptalǵan veterınar mamandar iske kiristi. Kesheli beri jekemenshik qus fermasyndaǵy 2 myńǵa jýyq taýyq pen 500-deı qaz-úırekke vaksına egildi. Mamandar ázirge úı qustarynan aýrý belgileri anyqtalmaǵanyn aıtady.
Alaıda Kaspıı teńizinde jaǵdaı kúrdeli kúıinde qalyp otyr. «AN-5» dep atalatyn asa qaýipti ınfeksıadan «Qashaǵan» ken ornyndaǵy jasandy araldarda 3 myńǵa jýyq shaǵala qyrylyp qaldy. Sonymen qatar «Aqjaıyq» memlekettik tabıǵı rezervatyndaǵy «Shalyga» aralynan da 2500-deı qustyń óleksesi tabyldy. Ázirge synamanyń qorytyndysy kútilýde. Degenmen mamandar ólgen shaǵalalardyń aǵzasynda qus tumaýynyń belgileri bar degendi aıtady.
«Birinshi kezekte Atyraý qalasynda egip jatqan sebebimiz myna Kaspıı teńizi qalaǵa jaqyn bolǵasyn jerde. Birinshi býfernyı zona bolǵasyn jolǵa qoıdyq. Qazirgi tańda 7 okrýgtiń tórt okrýgi egilip bitti. Qalǵan 3 okrýgte ekpe jumystary jalǵasyp jatyr»,-deıdi oblystyq-aýmaqtyq ınspeksıaǵa qarasty bıologıalyq qaýipsizdik bólimi basshysynyń mindetin atqarýshy Myrzabek Dúısenov.