Jan-Mark Iankovıchı, ınjener jáne klımat pen energetıka máselelerin zertteýshi ǵalym, qazirgi atom energetıkasynyń artyqshylyqtaryn atap ótti, dep habarlaıdy aqshamnews.kz
Onyń aıtýynsha, tórtinshi býyn reaktorlary qarapaıym basqarý júıelerimen qamtamasyz etilgen, sondyqtan qaýipsizdik máselesine alańdaýdyń qajeti joq.
Iadrolyq energetıka — qazbaly otynǵa balama retinde qorshaǵan ortaǵa kómirqyshqyl gazyn shyǵarmaıtyn qýat kózi. Bul ony klımattyń ózgerýimen kúreste jáne parnıktik gazdardy azaıtýda óte tıimdi sheshimge aınaldyrady. Álemde ekologıalyq taza ári turaqty energetıkalyq sheshimderdi izdestirýde ıadrolyq energetıka — basty balamalardyń biri.
Qazbaly otynnan bas tartyp, atom energetıkasyn damytý — tek energetıkalyq táýelsizdik qana emes, sonymen qatar tabıǵatty saqtaý úshin jasalǵan qadam. Qazaqstan da bolashaqta turaqty energetıkalyq sheshimderdi júzege asyrý úshin atom energetıkasyn damytý arqyly jahandyq klımattyń ózgerýine qarsy turýǵa úles qosa alady.
Iankovıchı atap ótkendeı, búgingi atom stansıalarynyń qaýipsizdigi joǵary deńgeıde jáne olar ekologıalyq tepe-teńdikti saqtaýǵa múmkindik beretin sheshim bolyp tabylady.