Sońǵy derekter boıynsha, Jambyl oblysyndaǵy jarylys saldarynan aýrhanaǵa 28 adam túsken. Onyń altaýynyń jaǵdaıy aýyr, dep habarlaıdy almaty-akshamy.kz Jambyl oblysy ákiminiń baspasóz qyzmetine silteme jasap.
«27 tamyz kúni saǵat 08.00-degi jaǵdaı boıynsha, ýaqytsha evakýasıalaý pýnktterinde 171 adam turyp jatyr. Olarǵa qajetti jaǵdaılar jasalǵan jáne olarǵa tańǵy as berilgen. Evakýasıalaý jumystaryna 32 dáriger, onyń ishinde travmatolog, neırohırýrg, hırýrg, reanımatolog jáne t.b. dárigerler, 56 orta medısınalyq qyzmetker qatysty. Dári-dármektermen qamtamasyz etilgen», - delingen habarlamada.
Al jarylys saldarynan aýrýhanaǵa túskenderdiń ishinde jaǵdaıy aýyr 6 adam jatyr. Jalpy, jarylystan zardap shekkenderge jedel medısınalyq kómek kórsetý úshin 37 jedel medısınalyq járdem brıgadasy, onyń ishinde 3 medısınalyq avıasıa brıgadasy jumyldyryldy. Bir brıgada Taraz qalasynyń №5 mektebinde, 1 brıgada Baızaq aýdanynyń Bazarbaı aýylynan buryn 226 adamdy evakýasıalaǵan Taraz polıtehnıkalyq kolejinde kezekshilik etedi.
«27 tamyz kúni saǵat 08.00-de aýrýhanalarda 28 naýqas bar, onyń 6-y aýyr halde. Jambyl oblysynyń Biryńǵaı dıspecherlik qyzmetke 473 ótinish kelip túsken. Onyń ishinde 265 ótinish «109» qysqa nómiri boıynsha, 190 ótinish WhatsApp messendjeri arqyly joldanǵan. Kelip túsken qońyraýlardyń kóbi turǵyndardy evakýasıalaý týraly aqparat pen áskerı bólimdegi qoımanyń jaı-kúıi týraly suraq qoıylýda», - delingen habarlamada.
Buǵan deıin óńirde tótenshe oqıǵaǵa baılanysty «109» nómiri men 8-778- 810-91-09 WhatsApp arqyly shuǵyl jeli iske qosylǵany habarlaǵan edi. Túndegi aqparat boıynsha apat bolǵan aýmaqtan evakýasıalanǵan turǵyndarǵa arnalyp, oblys ortalyǵynan 400-den astam oryn daıyndalǵan. Qosymsha 1 000-ǵa jýyq oryn daıyndaý múmkindigi qarastyrylǵan. Onyń ishinde Taraz qalasynda 221 adam arnaıy jasaqtalǵan jatyn oryndarmen qamtamasyz etilgen.