Mınıstrlik «Halyq únine qulaq asatyn memleket» qaǵıdatyn ustanatynyn aıtty.
Áskerı qyzmetshilerdiń jaraqattanýy men qazaq bolýyn azaıtý maqsatynda Qorǵanys mınıstrligi «Ómirińdi saqta» baǵdarlamasyn tanystyrdy, dep habarlaıdy Almaty-akshamy.kz Elorda.info-ǵa cilteme jasap.
Buǵan Qorǵanys mınıstrligi Tárbıe jáne ıdeologıalyq jumystar departamentiniń bastyǵy, general-maıor Serik Borambaev, Qorǵanys mınıstriniń keńesshisi Aıgúl Tólembaeva, UQK Shekara qyzmeti dırektorynyń orynbasary, polkovnık Tóleýjan Júnisov, Ulttyq ulan bas qolbasshysynyń tárbıe jáne áleýmettik-quqyqtyq jumystar jónindegi orynbasary, polkovnık Qaırat Úmbetov qatysty.
Jıyn barysynda olar áskerı qyzmetshiler arasyndaǵy oryn alatyn oqıǵalardyń negizgi sebepteri men baǵdarlamany iske asyrýdyń edáýir tıimdi joldaryn túsindirdi.
«Baǵdarlamanyń mazmuny tájirıbede qoldanýǵa barynsha yńǵaıly. Aqparattyq-ımıdjdik bloktan bastap, áskerı qyzmettiń qaýipsizdigin qamtamasyz etý maqsatynda áskerı ınfraqurylym obektilerin jetildirý jónindegi jumystardan zań shyǵarý qyzmetine deıingi aldyn alý baǵyttarynyń barlyq keshenin qamtydyq. Qazirgi ásker – ashyq áleýmettik ınstıtýt. Biz «Halyq únine qulaq asatyn memleket» qaǵıdatyn ustanamyz», - dedi general-maıor Serik Borambaev.
Áskerlerde qazirgi zamanǵy baılanys quraldaryn paıdalana otyryp, merzimdi qyzmettegi sarbazdardyń týystary jáne jaqyndarymen qarym-qatynas jasaý múmkindikterin keńeıtý sharalary da qabyldanyp jatyr.
«Biz «Ómirińdi saqta» baǵdarlamasy boıynsha jumystyń bes negizgi baǵytyn aıqyndadyq. Merzimdi qyzmetkerler arasynda problemalyq máselelerdi sheshý, ata-analarmen jáne qoǵamdyq uıymdardyń ókilderimen jumys júrgizilip jatyr», - dedi polkovnık Tóleýjan Júnisov.
Jańa qujat Qorǵanys, Tótenshe jaǵdaılar, İshki ister mınıstrlikteriniń, Memlekettik kúzet qyzmetiniń jáne Ulttyq qaýipsizdik komıtetiniń birlesken buıryǵymen bekitildi.
2022-2025 jyldarǵa arnalǵan «Ómirińdi saqta» baǵdarlamasy úsh kezeńde júzege asyrylatyn bolady.
Onyń nátıjeleri 2026 jylǵy qańtarda Qorǵanys mınıstrliginiń birlesken alqa otyrysynda shyǵarylady.