Kásipkerlik nysandary Ashyq jobasyna eki kúnde tirkele alady. Bul týraly «Atameken» ulttyq kásipkerler palatasynyń basqarma tóraǵasy Abylaı Myrzahmetov málimdedi, dep habarlaıdy almaty-akshamy.kz.
«Memleket basshysy Ashyq jobasyndaǵy búrokratıalyq rásimder týraly oryndy syn aıtty. Biz áriptesterimizben jáne sanıtarlyq dárigerlermen birge taldaý júrgizdik. Onda algorıtm is júzinde daıyn, qaýly júzege asyrylady. Ońtaılandyrý men reınjınırıng prosesteri 7 kúnge sozyldy, óıtkeni sanıtar dárigerlerdiń maquldaýy qajet boldy. Bul - qolmen jasalatyn prosedýra. Ári qaraı bizdiń aımaqtyq ókilderden ruqsat alý kerek boldy. Endi biz bul prosesterdiń bárin alyp tastadyq. Búkil prosester avtomattandyrylady, jobaǵa 2 kún ishinde tirkelýge bolady», - dep túsindirdi Abylaı Myrzahmetov ortalyq komýnıkasıalar qyzmetinde.
Onyń aıtýynsha, normatıvtik qujatqa qol qoıylǵannan keıin vedomstvo algorıtmdi jarıalaıdy.
«Bizdiń infokazakhstan platformasynda 450 myńǵa jýyq kásipker tirkelgen, onyń 90% qyzmet kórsetý salasynda jumys isteıdi. Biz karantındi kúsheıtken bes qalada 100 myńǵa jýyq sýbekt, 30-ǵa jýyq qyzmet kórsetý salasy tek Ashyq júıesi boıynsha jumys isteıdi dep josparlap otyrmyz. Erteńnen bastap kásipkerlik nysandaryna, óńirlerdegi jeke kásipkerlerge kómek kórsetiledi», - dedi A.Myrzahmetov.