Bıbisara Asaýbaeva shahmattan álem chempıony atandy, dep habarlaıdy Almaty-akshamy.kz QR Mádenıet jáne sport mınıstrliginiń Sport jáne dene shynyqtyrý komıtetine silteme jasap.
Esterińizge sala keteıik, Bıbisara Polshada ótip jatqan álem birinshiliginde «rapıdte» ekinshi oryn ıegeri atanǵan bolatyn.
- Al búgin qazaqstandyq shahmatshy atalmysh jarysta «blıste» aldyna jan salmaı, jeńis tuǵyrynan kórindi. Otandasymyzdy jarqyn jeńisimen quttyqtaımyz! Qazaqstandyq shahmatshy Bıbisara Asaýbaeva Polshada ótken 2021 jylǵy rapıd jáne blısten álem chempıonaty (FIDE World Rapid and Blitz 2021) aıasyndaǵy blıs-týrnırdiń jeńimpazy atandy. Jarys basynan-aq Bıbisara qarsylastarynyń oq boıy ozyq ketip, týrnır aıaqtalýǵa bir týr qalǵanda jeńiske jetti. Bul - otandyq sport úshin tarıhı oqıǵa, óıtkeni bizdiń shahmatshymyz álemdik shahmat túrleri tarıhynda eń jas álem chempıony atandy, - delingen QR Mádenıet jáne sport mınıstrliginiń osy oqıǵaǵa qatysty taratqan aqparatynda.
Buǵan deıin qazaqstandyq sportshy klasıkalyq shahmattan 8, 10, 12 jáne 14 jasqa deıingi qyzdar arasynda álem chempıony, 7, 9 jasqa deıingi mektep oqýshylary arasynda álem chempıony atanǵan.
Sondaı-aq, kúni keshe ǵana 17 jasar B.Asaýbaeva tamasha óner kórsetip, osy álem chempıonaty aıasynda rapıdten (jyldam shahmattan) 2-oryndy jeńip alǵan bolatyn.
Blıs týrnıriniń qorytyndysy boıynsha, ekinshi oryndy eki kún buryn rapıdten álem chempıony atanǵan reseılik Aleksandra Kostenúk alsa, Reseıdiń taǵy bir ókili Valentına Gýnına úshinshi oryndy ıelendi.