Ol qordyń túrli jobany júzege asyryp jatqanyn aıtty
Bala quqyqtary jónindegi ýákil Arýjan Saın «Qazaqstan halqyna» qorynyń qamqorshylyq keńesinen shyǵý týraly sheshim qabyldady, dep habarlaıdy Almaty-akshamy.kz Zakon.kz-ke silteme jasap.
Onyń aıtýynsha, qor basshysy Saıda Táýkeleva da osyndaı sheshim qabyldaǵan.
«Búgin «Qazaqstan halqyna» qorynyń qamqorshylyq keńesiniń otyrysynda men qamqorshylyq keńesten shyǵý týraly sheshim qabyldadym. Mundaı sheshimdi Saıda Táýkeleva da qabyldady. Memleket basshysy Qasym-Jomart Kemeluly Toqaevqa senimi úshin jáne qamqorshylyq keńes múshelerine birlesken jumysy úshin zor alǵysymdy bildiremin», - dep jazdy Saın Facebook-te.
Ol qordyń túrli jobany júzege asyryp jatqanyn aıtty. 142,5 mlrd teńgeniń 14,6 mlrd teńgesi ıgerildi (saıttaǵy esepke sáıkes).
«Sonymen birge, qamqorshylyq keńestiń jekelegen músheleri men basqarma arasynda qamqorshylyq keńes otyrystaryna shyǵarylatyn jobalardy, olardy iske asyrý nysandaryn daıyndaý jáne negizdeý boıynsha jekelegen máseleler boıynsha qor jumysyn uıymdastyrýdyń ártúrli kózqarasy bar. Eger basqarmaǵa meniń kómegim qajet bolsa, men «Qazaqstan halqyna» qoryna kómektesýge daıynmyn jáne bul úshin qordyń qamqorshysy bolýym mindetti emes», - dep jazdy ombýdsmen.
Sondaı-aq, ol Qazaqstandaǵy bala quqyqtary jónindegi ýákil bolyp qala beretinin aıtty.