Kásiporyn bul sheshimmen kelispeı, shaǵym túsirgen.
«ArselorMıttal Temirtaý» kompanıasyna 5,8 mlrd teńge aıyppul salyndy. Ortalyq komýnıkasıalar qyzmetinde ótken brıfıńte Ekologıalyq retteý jáne baqylaý komıtetiniń tóraǵasy Zulfuhar Joldasov osylaı málimdedi, dep habarlaıdy Almaty-akshamy.kz QazAqparatqa silteme jasap.
«ArselorMıttal Temirtaý» metalýrgıalyq kesheni – Temirtaý qalasyndaǵy atmosferalyq aýany lastaýshy negizgi kásiporyn. Onyń aýany lastaýdaǵy úlesi – 86,4 paıyz. Jyl saıyn «ArselorMıttal Temirtaý» kásipornyna ekologıalyq baqylaý júrgiziledi. Bıylǵy 9 aıda aýmaqtyq ekologıa departamenti kompanıaǵa 7 josparly jáne jospardan tys tekserý júrgizdi. Onyń nátıjesi boıynsha ekologıalyq zańnamanyń buzylýy faktileri anyqtaldy. Máselen, beıorganıkalyq shań-tozańdardy normatıvten tys shyǵarǵan, buryn berilgen nusqamalardy oryndamaǵan jáne gaz shyǵatyn qurylǵylardy ustaý boıynsha tıimdi sharalar qabyldamaǵan», - dep málim etti Zulfuhar Joldasov.
Onyń aıtýynsha, atalǵan kemshilikter negizinde «ArselorMıttal Temirtaý» kompanıasyna jalpy somasy 5,8 mlrd teńge aıyppul salynǵan. Kásiporyn bul sheshimmen kelispeı, shaǵym túsirgen. Zulfuhar Joldasov qazir istiń sotta qaralyp jatqanyn atap ótti.