Munaı ótelmegen qaryzdar men merzimi ótken dıvıdendterge aıyrbastalady
Reseı munaıynyń eksportyna qoıylǵan shekteýler aıasynda Eni SpA ıtalıalyq munaı kompanıasy men ıspandyq Repsol SA kelesi aıdyń basynda Venesýela munaıyn Eýropaǵa jetkizýdi bastaýy múmkin. AQSH prezıdenti Djo Baıdenniń ákimshiligi ruqsat berdi, dep habarlaıdy Almaty-akshamy.kz tengrinews.kz-ke silteme jasap.
"Golos Amerıkı" basylymynyń málimetinshe, eki jyl buryn Vashıngton Venesýelaǵa sanksıalardy kúsheıtken kezde toqtatylǵan munaı jetkizilimderi Karakastyń ótelmegen qaryzdary men merzimi ótken dıvıdendterge aıyrbastalady.
Reuters málimetinshe, Eni jáne Repsol alatyn munaı kólemi az jáne onyń munaıdyń álemdik baǵasyna áseri az bolady.
Degenmen, Baıden ákimshiligi Venesýela munaıy Eýropanyń Reseıge táýeldiligin azaıtýǵa kómektesedi dep úmittenedi. Negizgi shart - alynǵan munaı Eýropaǵa barýy kerek jáne ony qaıta satýǵa bolmaıdy.