Aqerke ISKENDEROVA, «Jastar rýhy» Jastar qanatynyń múshesi: Jastarǵa zamanaýı, jańashyl baǵyttar kerek

Jastarmen bir ortada júrgendikten, men de jas azamat retinde óz pikirimdi bildirgim keledi. XXI ǵasyr jastary – aıdaǵanǵa kónetin, ıtergenge júretin jastar emes. Árqaısysynyń ózindik pikiri men kózqarasy qalyptasqan, tańdaý erki bar azamattar. Olar keıbir aǵa býyn ókilderindeı buǵyp qalyp, aıtqandy ǵana jasamaıdy. Ol zaman ótti desem de bolady. Jastarǵa zamanaýı, jańashyl baǵyttar kerek. Zamanaýılyq degende ulttyq qundylyqtardy da esten shyǵarmaıdy. Olar, ıaǵnı bizder, jarqyn el bolashaǵynyń bir úlesi ózimizge tıesili ekenin túsinemiz. Elimizdegi sanaly jas azamattar osy ózgerister nátıjesin kórý úshin soǵan laıyqty jumys ta jasaýy tıis. Biz qalaǵandaı ózgeristerge qol jetkizemiz desek, qazir ótkizilip jatqan reformalardyń aınalasynda shoǵyrlanýymyz kerek dep sanaımyn. Qazaqstan Respýblıkasy Prezıdentiniń kezekten tys saılaýyn 2022 jylǵy 20 qarashada ótkizý týraly Jarlyqqa qol qoıýy da reformalar tizbeginiń iske asýynyń bastamasy. Búgingi kún – erteńgi tarıh demekshi, ár kúnimizdiń tarıh betterinde saqtalyp qalatynyn esten shyǵarmaǵanymyz abzal