Elimizdiń birqatar óńirlerinde qıyn jaǵdaı bolyp jatyr. Bul endi qudaıdyń bizdiń jurtqa jibergen úlken bir synaǵy. Sondyqtan bul tusta birlik kerek, yntymaq kerek, bir-birimizge járdem berýimiz kerek.
Elde bastaıtyn bireý bolady, qalǵany tireý bolady. Búgingi Prezıdenttiń úndeýinen biraz adam arqalanyp qaldy. Endi biz sol úndeýmen úndesýimiz qajet. Qıyn qystaý kezeńde judyryqtaı jumylyp, batys, shyǵys, ońtústik, soltústik dep bólinbeı, tórteý túgel, altaý ala bolmaı barlyǵymyz birikken ýaqytta osyny jeńip shyǵamyz.
Qazir búkil atqaminer jarǵa qulaǵy jastyqqa tımeı, tún uıqysyn tórt bólip osyǵan qyzmet jasap jatyr. Úlken alapat jamandyqtar batpandap kiredi da mysqyldap shyǵady. Barlyq kemshiliktiń orny tolyp, oralyp jaqsy bolady dep senemiz.