Bıbigúl Tólegenova 16 jeltoqsanda 92 jasqa toldy
Reseılik tanymal telejúrgizýshilerdiń biri Andreı Malahov aty ańyzǵa aınalǵan qazaqstandyq ánshi Bıbigúl Tólegenovaǵa arnaıy beınehabarlama joldady, - dep habarlaıdy Almaty-akshamy.kz Tengrinews.kz-ke silteme jasap.
«Qurmetti de qadirli Bıbigúl Ahmetqyzy! "Sálem, Andreı" baǵdarlamasynyń stýdıasy jáne Reseıdiń barlyq kórermeni Sizdi týǵan kúnińizben quttyqtaıdy. Sizge densaýlyq, sáttilik, tabys tileımiz. Biz sizdi qatty jaqsy kóremiz jáne baǵalaımyz. Esińizde bolsyn! Siz - Qazaqstannyń ǵana emes, Reseıdiń de injý-marjanysyz. Sondyqtan bizdi árqashan ánińizben qýantyńyz. Shyn júrekten Andreı Malahov, Reseıden súıispenshilikpen», - deıdi Malahov vıdeoda.
Bıbigúl Tólegenova 16 jeltoqsanda 92 jasqa toldy. Halyq ánshisiniń jaqyndarynyń aıtýynsha, Andreı Malahov "qazaq bulbulyn" qatty qurmetteıdi, sondyqtan ol eńbek sińirgen ártiske quttyqtaý joldaǵan.
Keńestik jáne qazaqstandyq opera ánshisi Bıbigúl Tólegenova 1929 jyly 16 jeltoqsanda Semeı qalasynda dúnıege kelgen. Onyń erekshe daýysy burynǵy KSRO-daǵy qarapaıym azamattardyń da máńgi esinde qaldy.
2020 jyly Bıbigúl Tólegenova Andreı Malahovtyń kompozıtor Aleksandr Zasepın týraly baǵdarlamasy úshin vıdeo túsirdi. Sol kezde reseılik tanymal shoýmen ony qazaq mýzyka óneri úshin "Otan-Ana" dep ataǵan edi.