Almatyda anasynyń kóligin urlap ketken Talǵar turǵyny ustaldy
Taıaýda Talǵarda qyzyq oqıǵa oryn aldy, dep habarlaıdy Almaty-akshamy.kz
Polisia.kz habarlaýynsha, jaqynda Talǵar APB kezekshi bólimine úıiniń aýlasynan Nissan avtokóligi urlanǵany týraly ótinishpen aýdan ortalyǵynyń 48 jastaǵy turǵyny júgingen. Qabyldanǵan sharalardyń nátıjesinde polıseıler jábirlenýshiniń kóligin aıdap ketken kúdiktini Almaty qalasynda ustady. Belgili bolǵandaı, ol kólik ıesiniń 23 jastaǵy uly bolyp shyqty. Anyqtalǵandaı, jigittiń atyna saqtandyrý polısi resimdelgennen keıin, onyń osy kólikti júrgizýge quqyǵy bar bolyp shyqqan.
Jas jigit anasyn eskertpesten, onyń kóligin minip ketken.
Avtokólik ıesi tártip saqshylarynyń aldynda keshirim surap, polıseılerge jedeldigi úshin alǵys aıtty. Onyń kóligi ózine qaıtaryldy.