Qazaqstanda 5G jelisi eń aldymen elordada, sosyn Almaty qalasynda paıda bolady.
Al oblys ortalyqtarynda 2023 jyldan keıin ornatyla bastaıdy, dep habarlaıdy Almaty-akshamy.kz QR IIDM baspasóz qyzmetine silteme jasap.
5G ázirshe Almatynyń keı aımaqtarynda ǵana qoljetimdi bolyp tur. Olardyń biri – qala turǵyndary jıi serýendeıtin Panfılov kóshesi. Abaı atyndaǵy Qazaq ulttyq akademıalyq opera jáne balet teatry men Qarasaı batyr kóshesi aralyǵynda 5G jelisin ustaıtyn uıaly telefonyńyzben eń jyldam ınternetti synap kórýge bolady.
5G osy aptadan bastap Medeýde iske qosylady. Ony mınıstrliktiń qoldaýymen otandyq uıaly operatorlarynyń biri qolǵa alǵan. Qalalyq sıfrlandyrý basqarmasynyń sózinshe, memleket testileýge arnalǵan jıilik dıapazonyn ulǵaıtýǵa múmkindik bergen. Al ary qaraı jeli ustaıtyn aýmaqty keńeıtý uıaly baılanys operatorlarynyń qolynda.
Álemniń 42 elinde qoljetimdi bolǵan 5G aldyńǵysymen salystyrǵanda 10 ese jyldam jumys isteıdi. Mamandardyń aıtýynsha, 5G tolyq metrajdy fılmdi bir sekýndta júkteýge qaýqarly eken.