Almatyda aýanyń lastanýy boıynsha jeke turǵyn úılerdiń shyǵaryndylary - úshinshi orynda. 2021 jyly lastaýshy zattar shyǵaryndylarynyń jalpy kólemi 127 myń tonnany qurady. Onyń ishinde 70 myń tonnasy - avtokólikten, 46 myń tonnasy – stasıonarlyq kózderden, 11 myń tonnasy - jeke sektordan, dep habarlaıdy Almaty-akshamy.kz.
Almatyda jeke turǵyn úı sektoryn gazdandyrý deńgeıi 99,2%-ǵa jetti. 1054 úı gaz jelilerine qosylmaǵan, onyń ishinde 584 úıdi qosý múmkindigi bar, onyń ishinde halyqtyń áleýmettik osal toptarynan (HÁOT) shyqqan 152 otbasy úıi. Magıstraldyq jelilerdiń joqtyǵynan 470 úıdiń gazǵa qol jetimdiligi joq.
Sonymen qatar, áýe bassıeniniń lastanýyna Almaty aglomerasıasy da keri áserin tıgizýde. onda magıstraldyq gaz qubyrynyń bolmaýyna baılanysty 82 myńǵa jýyq úı gazdandyrylmaǵan.
"QazTransGaz Aımaq" AQ-nyń ("QTGA" AQ) 2022-2026 jyldarǵa arnalǵan ınvestısıalyq baǵdarlamasymen Almaty aýmaǵynda 23,2 km taratýshy gaz qubyrlaryn salý josparlanǵan, bul 355 turǵyn úıdiń jelilerine qoljetimdilikti qamtamasyz etedi. Almaty 2023 jylǵa qaraı 99,4%-ǵa gazdandyrylady.
Gazdandyrylmaǵan úılerdi qosý qoldaýdyń túrli tetikteri arqyly, sonyń ishinde demeýshilerdiń qarajatyn tartý esebinen sheshiletin bolady.
Almaty aglomerasıasynyń irgeles aýdandarynda "QTGA" AQ ınvestısıalyq baǵdarlamasymen jaqyn mańdaǵy 25 eldi mekendi odan ári qosý perspektıvasymen gaz qubyrlaryn salý kózdelgen.
Jalpy Almaty aglomerasıasynda 2025 jylǵa deıin 42 myń jeke úıdi gazdandyrý shyǵaryndylardy jylyna 8 myń tonnaǵa, al 2030 jylǵa deıin qalǵan 40 myń úıdi jylyna 7,6 myń tonnaǵa azaıtýǵa múmkindik beredi.