Onlaın sanaqtyń qalaı ótiziletini týraly aıtyp bergen Aıdar Ábildabekov 1 qyrkúıekten 15 qazanǵa deıingi sanaqta ınternet-resýrstar arqyly sanaqtyń onlaın rejıminde ótýine baılanysty sanaq.gov.kz, e-gov.kz arqyly qol jetkizý táýlik boıy qamtamasyz etiledi dedi.
«Sanaqshylar úılerdi aralaıdy, olardyń árqaısysynda derekterdi jınaý men óńdeýdi tezdetetin elektrondy planshet bolady. Bul adam faktorynyń derekter sapasyna áserin azaıtýǵa, JSN qoldaný arqyly anyqtyq deńgeıin arttyrýǵa jáne aqparattyń qaıtalanýyn boldyrmaýǵa múmkindik beredi», - dep naqtylady Almaty qalasy boıynsha Statısıka departamentiniń basshysy Aıdar Ábildabekov aıtyp berdi, dep habarlaıdy Almaty-akshamy.kz
Eske salsaq, buǵan deıin eki sanaq ótti – 1999 jyly (14,98 mln qazaqstandyq) jáne 2009 jyly (16 mln).
Bıyl sanaqty ótkizý úshin sharttyq negizde aýdan, ýchaske boıynsha ýákilder, nusqaýshy-baqylaýshylar, tirkeýshiler men ıntervúerler retinde barlyǵy 3412 adam qatysady.
Halyq sanaǵynyń daıyndyq kezeńine 1-30 maýsym aralyǵynda Almaty qalasy boıynsha 48 nusqaýshy-baqylaýshy men 618 tirkeýshi qatysady. Intervúerler adamdardyń mekenjaıy men sanyn naqtylaý úshin barlyq turǵyn jáne turǵyn emes úı-jaılardy aralaıdy.
«Intervúerde tıisti mórmen rastalǵan kýálik, aınalyp ótýge jatatyn obektilerdiń tizimi bar mobıldi qosymshasy bar planshet, sondaı-aq 2021 jylǵy Ulttyq sanaqtyń sımvoly bar kók tústi bókebaı pen portfel bolady. Intervúer týraly qosymsha aqparatty sanaq.gov.kz saıtynan bilýge bolady. Onda respýblıka boıynsha ıntervúerdiń tegi, aty, ákesiniń aty men onyń kýáliginiń nómiri kórsetilgen tizim jarıalanady», – dep habarlady Aıdar Ábildabekov.
1 qyrkúıekten 15 qazanǵa deıingi sanaqta negizgi ekpin mamandandyrylǵan ınternet-resýrstar arqyly sanaqtyń onlaın rejıminde ótýine baılanysty sanaq.gov.kz, e-gov.kz arqyly qol jetkizý táýlik boıy qamtamasyz etiledi. Osylaısha sanaq barlyǵyna yńǵaıly bolady. Bul degenimiz – qala turǵyndary qaı jerde ornalasqanyna qaramastan, ózderine jáne otbasy múshelerine sanaq paraqtaryn toltyra otyryp, prosedýradan óz betinshe óte alady. Sonymen qatar, óz betinshe ótken árbir adam telefonǵa SMS-habarlama alady, bul onyń sanaqqa qatysýyn rastaıdy.
Dástúrli jappaı aralaý 1-30 qazan aralyǵynda sanıtarlyq normalardy saqtaı otyryp, onlaın-rejımde sanaqtan ótpegen respondentter arasynda ótkiziletin bolady.
Planshetterge mobıldi qosymshalar júkteledi, onyń kómegimen ıntervúer jikteýishter men anyqtamalyqtardy qoldana otyryp, salynǵan barlyq arıfmetıkalyq-logıkalyq baqylaýlardy eskerip,saýalnama júrgizedi. Alynǵan málimetter tikeleı jalpy málimetter bazasyna jiberiledi. Derekter zańnama talaptaryna saı qupıa bolady.