Almatylyq sportshylar Katardaǵy Qazaqstan Elshiliginde daýys berdi, dep habarlaıdy almaty-akshamy.kz QazAqparatqa silteme jasap.
Almatydaǵy №9 olımpıada rezervindegi mamandandyrylǵan balalar-jasóspirimder mektebi men sporttyq gımnastıkadan mamandandyrylǵan joǵary sport sheberligi mektebiniń tárbıelenýshileri Azıa chempıonatyna qatysý úshin Katarǵa ushyp ketken bolatyn.
Olardyń qatarynda sporttyq gımnastıkadan QR quramasynyń kóshbasshylary Mılad Karımı, Narıman Qurbanov, İlıas Ázızov bar.
Olar QR bas bapkerleri jáne №9 sport mektebiniń bas jattyqtyrýshylary A.T. Kım, S. Gorbachev, H. Sh. Kýrbanovpen birge Katar memleketindegi Qazaqstan Elshiliginde daýys berdi.
Qurama músheleri referendýmǵa daıyndyqtyń joǵary deńgeıin jáne elshilikte sportshylardy jyly qabyldaǵanyn atap ótti.
Dıplomattar óz tarapynan aldaǵy jarystarda sportshylarǵa jankúıer bolýǵa ýáde etti.