Tintý barysynda kameralardyń birinen uıaly telefondar tabyldy
Almaty qalasy boıynsha Qylmystyq-atqarý júıesi departamentiniń basshylyǵy İshki ister mınıstrligine qarasty Kınologıalyq ortalyqqa esirtki zattaryn anyqtaý úshin LA-155/18 mekemesine qyzmettik ıtterdi paıdalana otyryp, tintý júrgizý týraly arnaıy hat joldaǵan bolatyn. Jýyrda atalǵan hat negizinde Almatydaǵy tergeý ızolátorynda Kınologıalyq ortalyq qyzmetkerleri tintý júrgizdi, dep habarlaıdy Almaty-akshamy.kz Polisia.kz-ke silteme jasap.
Atalǵan jumysqa Ulttyq ulannyń 12 qyzmetkeri jáne polısıa departamentine biliktiligin arttyrýǵa kelgen polısıa qyzmetkerleri qatysty. Tintý esirtki izdeýshi úsh ıttiń kómegimen júrgizildi. Jumys barysynda tergeý ızolátorynyń segiz posty men sálemdemeler qabyldaıtyn oryndar tekserildi.
Nátıjesinde tutqyndar otyratyn kameralardyń birinen buzylǵan sháınektiń ishine jasyrylǵan inoi jáne Nokia telefondary tabyldy. Aldaǵy ýaqytta İİM Kınologıalyq ortalyǵy mamandarynyń jáne esirtki izdeýshi qyzmettik ıtterdiń kómegimen ár toqsan saıyn bir ret tintý jumystaryn júrgizý josparlanyp otyr.