QR Energetıka mınıstrliginiń Tabıǵı monopolıalardy retteý komıteti elimizdiń birqatar óńirlerinde jylý tarıfteriniń arzandaǵanyn habarlady.
Búgingi kúni jylý energıasyn óndirý kezinde otynnyń negizgi túri 6 óńirde (Soltústik Qazaqstan, Pavlodar, Qaraǵandy, Almaty, Shyǵys Qazaqstan jáne Aqmola oblystarynda) kómir, 8 óńirde (Shymkent qalasy, Aqtóbe, Qostanaı, Mańǵystaý, Jambyl, Batys Qazaqstan, Qyzylorda, Atyraý oblystarynda) mazýt jáne tabıǵı gaz, 3 óńirde (Nur-Sultan, Almaty qalalary jáne Túrkistan oblysy) kómir men gaz bolyp tabylady, dep habarlaıdy Almaty-akshamy.kz
Budan buryn habarlanǵandaı, «QazTranGaz Aımaq» AQ-nyń jabdyqtaý ústemesiniń deńgeıin tómendetý bóliginde atqarylǵan jumys nátıjesinde QR UEM Tabıǵı monopolıalardy retteý komıteti 2022 jylǵy 1 aqpannan bastap qoldanysqa engizile otyryp, kóptegen óńirlerde tutynýshylar úshin taýarlyq gazdyń túpkilikti shekti baǵalaryn 0,34%-dan 38,96%-ǵa deıin tómendetýge qol jetkizdi.
Tabıǵı monopolıalar týraly zańnamaǵa sáıkes tabıǵı monopolıalar sýbektileri jylý energıasyn óndirý úshin otyn retinde paıdalanatyn gaz strategıalyq taýar bolyp tabylady. Strategıalyq taýarlar baǵasynyń deńgeıi komýnaldyq qyzmetter tarıfiniń sońǵy deńgeıine aıtarlyqtaı áser etetinin atap ótken jón.
Osylaısha, «QazTransGaz Aımaq» AQ-nyń taýarlyq gazdy bólshek saýdada ótkizý jónindegi qyzmetterge shekti baǵalarynyń ózgerýin eskere otyryp, jylý energıasyna tarıf deńgeıi kelesideı tómendedi:
2022 jyldyń aqpan aıynan bastap:
Atyraý qalasy - 2,36%;
Taraz q. - 0,45%;
Qostanaı q. - 2,90%;
Qyzylorda q. - 0,87%;
Shymkent q. - 0,22%.
2022 jyldyń naýryz aıynan bastap:
Oral qalasy - 0,76%;
Túrkistan q - 0,84%.
Bul rette eldiń jekelegen óńirlerinde taýarlyq gazdy bólshek saýdada ótkizýdiń tómendeýi jylý energıasynyń ózindik qunyna áser etken joq.