Qala boıynsha jaıly qozǵalysty qamtamasyz etý úshin komýnaldyq qyzmetter táýlik boıy kúsheıtilgen rejımde jumys isteıdi.
«Qazgıdromet» RMK boljamy boıynsha, 14 naýryz kúni saǵat 16.00-den 15 naýryz kúngi saǵat 04.00-ge deıin Almaty qalasynda bıiktigi 8-10 sm qar aralas jaýyn-shashyn bolady, dep habarlaıdy Almaty-akshamy.kz Almaty qalasy Komýnaldyq ınfraqurylymdy damytý basqarmasyna silteme jasap.
Kúndizgi ýaqytta qar tazalaý jumystaryna 463 birlik tehnıka, 18 motopompalar jáne 1012 jol jumysshylary jumyldyryldy. 89 birlik arnaıy tehnıka men 320 jumysshynyń kúshimen kóldeneń aryq jelilerin tazartý jumystary aıaqtalýda.
14 naýryzda túngi ýaqytta 320 m3 qar shyǵaryldy. Qysqy kezeńde barlyǵy 367,3 tys. m3 qar shyǵaryldy.
Qardyń túsýine, joldyń nashar kórinýi jáne joldardaǵy kóktaıǵaq qubylystaryna baılanysty avtokólik júrgizýshilerinen jyldamdyqty azaıtýdy, tejeýge birden júginbeýdi, qashyqtyqty, búıirlik aralyqty jáne manevr jasaý erejelerin saqtaýdy suraımyz. Júrgizýshilerge aǵashtardyń qulaý qaýpi men elektr jelileriniń úzilýine baılanysty kólikterdi jol jıegine qoımaýǵa keńes beriledi. Jaıaý júrginshiler trotýarlarmen júrý kezinde abaı bolýlary tıis, belgilengen jerlerde kóshelerdi kesip ótý kerek.