Almaty qalasyndaǵy balalar kolonıasyna "Aqparattyq resýrstyq ortalyq" qoǵamdyq ortalyǵynyń mamandary kelip, sottalǵan balalarmen kezdesý ótkizdi.
Kezdesýde ortalyq tóraǵasy Nurjan Jakýpov pen hımıalyq táýeldilik jónindegi maman Erlan Tajıbaev jasóspirimderge nashaqorlyqtyń quqyqtyq jáne áleýmettik zardaptary jaıly keńinen áńgimelep berdi. Sonymen qatar tárbıelik sıpattaǵy dıalog barysynda balalar ózderin tolǵandyrǵan saýaldar qoıyp, pikir almasty.
Bas bostandyǵynan aıyrý oryndarynda esirtki qylmysyna qarsy is-qımyl jónindegi bekitilgen joba aıasynda uıymdastyrylǵan kezdesýdiń maqsaty – jasóspirimder arasynda esirtki qylmysyna qarsy ımýnıtet qalyptastyryp, nashaqorlyqtyń zıandy saldaryn uǵyndyrý, salaýatty ómir saltyn nasıhattaý.