Bul týraly «Azamattarǵa arnalǵan úkimet» MK Almaty qalasy boıynsha ókili Jańyl Ápetova aıtty.
Búginnen bastap Almatynyń mamandandyrylǵan HQO-lar jumys isteı bastady, dep habarlaıdy Almaty-akshamy.kz
Onyń aıtýynsha, avtoHQO-lardyń jumys kestesi – saǵat 9.00-den 18.00-ge deıin, dúısenbi-juma aralyǵynda bolady.
«Sonymen qatar, HQO-lardaǵy qujattandyrý sektorlary men mıgrasıalyq HQO bólimi de qaıta iske qosyldy. Memlekettik qyzmetterdiń 80%-dan astamyn onlaın alýǵa, sondaı-aq avtokólikti Kaspi jáne Halyk Homebank bank qosymshalary arqyly qaıta resimdeýge bolatynyn eske salamyz», - dedi Jańyl Ápetova.
Ol avtoHQO-larda kezek týdyrmaý úshin osy servısterdi paıdalanýǵa keńes berdi. Mamandandyrylǵan HQO ǵımaratyna kirý Ashyq qosymshasy arqyly júzege asyrylady.
Epıdemıologıalyq jaǵdaıǵa baılanysty klıentter sanıtarlyq qaýipsizdik erejelerin saqtaýy, ıaǵnı áleýmettik qashyqtyqty saqtap, betperde taǵýy kerek.