Almatydaǵy 83 qalalyq kolejde 73 myńǵa jýyq stýdent bilim alýda
Almaty ákimi Baqytjan Saǵyntaevtyń tóraǵalyǵymen kolejder dırektorlary men sarapshylardyń qatysýymen ótken jumys keńesi barysynda óńirlik erekshelikterdi, ónerkásip oryndardaǵy kadrlarǵa qajettilikti jáne «Bastaý Bıznes» jobasynyń «Eńbek» baǵdarlamasy aıasynda qysqa merzimdi kýrstarda oqytý boıynsha júrgizilip jatqan jumysty eskere otyryp, mamandardy daıarlaý máseleleri qaraldy, dep habarlaıdy Almaty-akshamy.kz.
Almaty qalasy Bilim basqarmasynyń málimetinshe, qazirgi kezde 83 qalalyq kolejde 73 myńǵa jýyq stýdent bilim alýda. Bul rette 50%-dan astamy – memlekettik tapsyrys boıynsha. Qalanyń iri kásiporyndarynyń deregi boıynsha shtattyq qyzmetkerlerdiń 70%-y kolejder túlekteri bolyp tabylady. Eńbek naryǵy bilikti jumysshy kadrlardy qajet etedi, al TjKB salasynyń róli artýda.
Qala ákimi B. Saǵyntaev orta býyn mamandaryn daıarlaý tásilderin qaıta qaraýdy tapsyrdy. Qalada turǵyn úı-kommýnaldyq sharýashylyǵynyń, ınjenerlik ınfraqurylymnyń bilikti qyzmetkerleri qajet. Avtoparkterde júrgizýshiler men mehanıkter tapshy. Qurylys sektorynda jumysshylar jetispeıdi.
Sondyqtan daıyndyq sapasyn arttyrý maqsatynda mektepterdi ǵana emes, qosymsha bilim berý uıymdary men múddeli uıymdardy da tarta otyryp, oqýshylardyń erte kásiptik baǵdarlaýyn uıymdastyrý boıynsha jumys júrgizilýde. Sarapshylar qaýymdastyǵymen birlesip, bolashaqta suranysqa ıe mamandyqtardyń boljamdy tizimin jasaý josparlanýda.
«Jas maman» jobasy aıasynda materıaldyq-tehnıkalyq bazany nyǵaıtý maqsatynda kolejder túrli salalar boıynsha zamanaýı qurylǵylarmen jabdyqtalýda. Dotasıalyq kolejderdi iri kásiporyndarǵa senimdi basqarýǵa berý múmkindigi qarastyrylýda. Memlekettik tapsyrys aıasynda jumys isteıtin jeke kolejderde stýdentterdi jumysshy mamandyqtary boıynsha oqytý múmkindigin qarastyrý usynylady.
Sonymen qatar, basqa qaladan syrttan stýdentterge arnalǵan jataqhanalardaǵy oryndar máselesi kezeń-kezeńimen sheshilýde. Ótken jyly Túrksib aýdanynda №1 pedagogıkalyq kolejiniń 300 oryndy jańa jataqhanasy paıdalanýǵa berildi.
Kelesi jylǵa 600 oryndy eki jataqhana qurylysynyń JSQ ázirlenýde. Máselen, Jetisý aýdanynda jumys istep turǵan avtomehanıkalyq kolej janynan jataqhana salý, sondaı-aq Alataý aýdanynda jataqhanasy bar jańa kásiptik-tehnıkalyq kolej salý josparlanýda. Qurylys jumystaryn bastaý 2022 jylǵa josparlanǵan.