Ekpe indettiń kúrdeli kezeńinen ótýge kómektesedi.
Almaty qalasynyń bas sanıtarlyq dárigeri Jandarbek Bekshın Óńirlik komýnıkasıalar qyzmetinde ótken brıfıńte megapolıske qatysty epıdemıologıalyq ahýaldyń nasharlaýy týraly aıtty. COVID-19 dertiniń kezekti tórtinshi tolqyny tamyz aıynyń ortasyna, qyrkúıektiń basynda tómendeıdi dep kútilýde, dep habarlaıdy Almaty-akshamy.kz.
Jandarbek Bekshınniń aıtýynsha, vaksına indettiń kúrdeli kezeńinen ótýge kómektesedi. Sondaı-aq Almatyda aǵzany indetten qorǵaıtyn tolyq vaksına jelisi bar.
«Sońǵy aptada koronavırýsqa qatysty epıdemıologıalyq ahýal ýshyǵýda. Ótken aptany aldyńǵymen salystyrǵanda KVI jaǵdaıynyń tirkelýi 1,4 esege – 5 790-nan 8 393 jaǵdaıǵa deıin ósti, táýliktik ósim 1,5%-dy qurady. 23 shildeden bastap KVI-diń kúndelikti tirkeýi 1 myńnan asty jáne qazirdiń ózinde 1 450-di quraıdy. Osy aıda Almatyda 20 818 naýqas anyqtaldy, al jyl basynan beri 76 603 naýqas tirkeldi», – dedi megapolıstiń bas sanıtarlyq dárigeri.
Jandarbek Bekshınniń aıtýynsha, shildedegi epıdemıologıalyq jaǵdaıdyń naqty boljamy 27,5 myń, al is júzinde 2 myń jaǵdaıdy quraıdy.
«Almatyda COVID-19 kezekti tórtinshi tolqyny tamyz aıynyń ortasynda - qyrkúıek aıynyń basynda tómendeıdi dep kútilýde. Tamyz aıynda 34,5 myń jaǵdaı, qyrkúıekte 4,5 myń jaǵdaı bolady dep boljanýda. 7 kún ishinde «sımptomdyq» naýqastardyń úles salmaǵynyń artýy 89,4-ten 90,7%-ǵa deıin jalǵasty, bul SOVID-19 aınalymdaǵy qozdyrǵyshtary arasynda "delta" nusqasynyń taralý shegine jetkenin kórsetedi», –dedi Jandarbek Bekshın.