Almatyda taý baýraıynda qurǵaq shóp órtendi
Órt sóndirýshiler men orman sharýashylyǵynyń ókilderi 100 sharshy metr alqapqa jaıylǵan órtti sóndirdi. Bul týraly Almaty-akshamy.kz Almaty qalasynyń Tótenshe jaǵdaılar departamentiniń baspasóz qyzmetine silteme jasap habarlaıdy.
Taý baýraıynda qýraǵan aǵashtar janǵan. Qutqarýshylardyń habarlaýynsha, órttiń jaıylý qaýpi joq.
«27 sáýir kúni saǵat 20:00-der shamasynda Almaty qalalyq tabıǵı órtterdi sóndirý jasaǵy men İle Alataýy ulttyq parkiniń ókilderi aspaptarymen Medeý aýdany Kereı Jánibek handar kóshesindegi 389-shy úıdiń mańyna jóneltildi. Onda taý baýraıynda qurǵaq shóp pen qýraǵan janǵany belgili boldy. Órttiń jaıylý qaýpi joq», - delingen habarlamada.