Qurylysqa shamamen 130 mıllıard teńge bólingen
Qurylys jumystary bıyl jeltoqsanǵa deıin aıaqtalady dep josparlanǵan. Qurylys bitkennen keıin ortalyq QR Densaýlyq saqtaý mınıstrligine, ıaǵnı memleket menshigine beriledi, dep habarlaıdy Almaty-akshamy.kz.
«Samuryq-Qazyna» qory baspasóz qyzmetiniń habarlaýynsha, búgin salynyp jatqan klınıkanyń qurylys alańyna «Samuryq-Qazyna» basshysy Nurlan Jaqypov keldi. Ol jańa ortalyq búkil TMD-daǵy eń iri zertteý jáne klınıkalyq ortalyq bolatynyn atap ótti.
«Sońǵy jyldardaǵy oqıǵalar klınıkalyq bólimshesi bar iri ǵylymı-zertteý juqpaly aýrýlar ortalyǵynyń bolýy jaı ǵana qajettilik emes, ulttyq qaýipsizdik máselesi ekenin dáleldeıdi», - dedi menedjer.
Ol qurylys barysyn jeke ózi tekserip, qurylys merdigeri barlyq jumysty ýaqytynda oryndaýyn nazarda ustaıtynyn aıtty.
Aýrýhana 2021 jyldyń qazanynda salyna bastady. Ortalyqta 350 zamanaýı jabdyqtalǵan oryn bolady. Nysan qazaqstandyq dárigerler, ǵalymdar men Almatynyń medısınalyq joǵary oqý oryndarynyń stýdentteri úshin klınıkalyq bazaǵa aınalady. Jańa ortalyqta juqpaly aýrýlar, pýlmonologıa jáne ftızıatrıa salasynda medısınalyq kómek kórsetiledi, zertteýler men oqytý júrgiziledi, ozyq medısınalyq tehnologıalardy shoǵyrlandyrady, dárilik preparattardy zertteıdi. Sonymen qatar, jańa nysan bazasynda eldegi epıdemıologıalyq jaǵdaıdy baqylaý úshin ahýaldyq ortalyq ashý josparlanǵan.
Nysan qaýipsizdikti qamtamasyz etýdiń biregeı tehnologıalarymen jabdyqtalatyn bolady.