Qańtar aıyndaǵy oqıǵalar kezinde zardap shekken bızneske qarjylaı qoldaýdyń jalpy somasy 2 029 313 422 teńgeni qurady. Bul týraly Almaty óńirlik komýnıkasıalar qyzmetiniń baspasóz konferensıasy barysynda Qalalyq Kásipkerler palatasynyń dırektory Aıtýar Qoshmambetov málimdedi dep habarlaıdy almaty-akshamy.kz.
23 qańtar men 23 aqpan aralyǵynda almatylyq kásipkerler Infokazakstan.kz saıtyn paıdalana otyryp, 1 752 ótinim berdi. Keıbireýler ótinishterin birneshe ret bergen. Sondyqtan saıtta qazirgi ýaqytta ótinimderdiń jalpy sany – 1 752. Aqparat qońyraý shalyp, naqtylanǵannan keıin jalpy somasy 34 316 437 000 teńgege 1 413 kásipkerdiń zardap shekkeni anyqtaldy.
«Qazirgi ýaqytta Komısıa jalpy somasy 2 029 313 422 teńgege 755 ótinimdi qarady, onda memlekettik búdjetten 1 274 398 461 teńge somaǵa 379 ótinim qarjylandyryldy. Qalǵandary «Jańa Alataý» jáne «Kúsh birlikte» qorlarymen qarjylandyrylady», - dep habarlady A. Qoshmambetov.
Maquldanǵan ótinimder arasynda saýda salasy (zergerlik buıymdar, uıaly telefondar, kıim) – 310 ótinim, bıznes-ortalyqtar – 36 ótinim, qoǵamdyq tamaqtaný obektileri – 26 ótinim basym.
Aıtýar Qoshmambetov QR Prezıdentiniń shuǵyl kómek kórsetý jónindegi tapsyrmasy aıasynda bızneske shyǵynnyń barlyq sanattary úshin 10 mln teńgege deıingi tólem somasymen jeńildetilgen esep boıynsha shyǵyndy óteýdi júzege asyrý, sondaı-aq «jabdyq» sanaty úshin ońaılatylǵan tetikti qoldaný jáne advokattardyń qyzmetterine aqy tóleýdiń ornyn toltyrý usynylǵanyn atap ótti. Bul sharalar ótinimderdi qaraý merzimin bir aıdan eki aptaǵa deıin qysqartýǵa múmkindik beredi.