Pravoslavtardyń shoqyndyrý rásimi kúni Almatyda qandaı oryndarda sýǵa túsýge bolady?
Bul týraly Óńirlik komýnıkasıalar qyzmeti alańynda Qazaqstan Mıtropolıttik okrýginiń qoǵammen baılanys bóliminiń basshysy protoıereı Aleksandr Sývorov habarlady.
Sýǵa túsýge ruqsat etilgen oryndar tizimi:
1. «Almaty q. Kresovozdvıjenskıı ǵıbadathanasynyń shirkeýi» jergilikti dinı birlestigi (Vysokovoltnaıa kóshesi, 37B);
2. «Almaty qalasy Astana jáne Almaty eparhıasynyń «Qutqarýshy Másihtiń ǵıbadathanasynyń shirkeýi» jergilikti dinı birlestigi ( Raıymbek dańǵyly, 493).
3. «Qazaqstannyń Pravoslavıe shirkeýiniń Astana jáne Almaty Eparhıasy» óńirlik dinı uıymynyń fılıaly Áýlıe Nıkolaı sobory» (Baıtursynov kóshesi, 56/5);
4. «Astana jáne Almaty Eparhıasynyń Pervomaıskıı kentiniń Ýspen ǵıbadathanasynyń shirkeýi» (Qudabaıuly kóshesi, 86);
5. «Astana jáne Almaty Eparhıasynyń «Uly sheıit Paraskeva ǵıbadathanasynyń shirkeýi» jergilikti pravoslavıelik dinı birlestigi (Jansúgirova, 500V);
6. «Astana jáne Almaty Eparhıasynyń «Iversk-Serafımov áıelder monastyry» jergilikti dinı birlestigi (Hamıdı kóshesi, 30);
7. Astana jáne Almaty Eprahıasynyń «Almaty qalasy Blagoveshenskıı ǵıbadathanasynyń shirkeýi» jergilikti pravoslavıelik dinı birlestigi
(Alataý shaǵyn aýdany, Ibragımov kóshesi, 13).
8. Astana jáne Almaty Eprahıasynyń «Kazankaıa Qudaı Anasy ıkonasynyń qurmetine arnalǵan sobor» jergilikti pravoslavıelik dinı birlestigi (Halıýllın kóshesi, 45-A).
9. «Bogorodıse rojdestvo ǵıbadathanasy» jergilikti pravoslavıelik dinı birlestigi» (Eginsý kóshesi, 1B);
Túrksib aýdany:
10.«Pokrovsko-Vsehsvátskıı ǵıbadathanasy» jergilikti pravoslavıelik dinı birlestigi (Jas pıonerler kóshesi, 85 úı).
Atalǵan ýchaskelerde tótenshe jaǵdaılardyń aldyn alý úshin qutqarýshylardyń, dárigerler men polısıanyń táýlik boıy kezekshiligi uıymdastyrylady. Bul týraly Almaty qalasy TJD Azamattyq qorǵanys basqarmasy bastyǵynyń mindetin ýaqytsha atqarýshy Ǵalym Muhamedjan málimdedi.
«Sýyq sýda uzaq ýaqyt bolǵan kezde sińir tartylyp, úsik shalýy múmkin. Sondaı - aq, sýyq sýǵa kenetten túsken kezde júrek jetkiliksizdigi órshýi múmkin», - dedi ol.
Almaty turǵyndaryna ruqsat etilmegen jerlerde, sonyń ishinde muz basqan taýly ózender men toǵandarda shomylýǵa qatań tyıym salynǵany týraly eske salyndy. Erejeni buzýshylarǵa 7 AEK mólsherinde aıyppul salynyp, jaýapqa tartylýy múmkin.
«Sonymen qatar, qalǵan sý aıdyndaryna, toǵandar men taýly ózenderge (Úlken jáne Kishi Almaty) shomylýǵa tyıym salynady. Qazirgi ýaqytta bul sý obektilerinde muz qatqan. Taýly ózender óte taıǵaq, muz ústinde júrgende taıyp ketý jáne ártúrli synyqtar men jaraqattar alý qaýpi bar. Muz astyndaǵy ózenderdiń aǵysy óte kúshti jáne tepe-teńdigi men esin joǵaltqan adamdy aǵyzyp áketýi múmkin, - dep eske aldy TJD.
Sýdaǵy tótenshe jaǵdaılardyń aldyn alý úshin qala TJD mamandary mynalardy usynady:
- arnaıy belgilengen jerlerde shomylý;
- ishimdik ishken kúıde shomylýǵa bolmaıdy;
- ashyq jerde (muzda) sýǵa túsýge arnalyp jabdyqtalǵan orynda 3 adamnan artyq bolmaýy kerek;
- shomylýdan buryn deneni jylytý mańyzdy, júgirý arqyly qyzdyrý kerek;
- dárigerler men qutqarýshylar bar jerde sýǵa túsý;
- sýǵa túsip bolǵannan keıin, qurǵaq súlgimen súrtinip,qurǵaq kıim kıip, jyly shaı ishken jón.
Pravoslavtardyń shoqyndyrý kúni sýǵa túsý rásimi 19 qańtarda atap ótiledi.