Sot úkimi zańdy kúshine engen joq
Almaty qalasy Ákimshilik quqyqbuzýshylyq jónindegi mamandandyrylǵan aýdanaralyq sotynda qoǵamdyq oryndardaǵy mazalaý faktisi (QR ÁQ Kodeksi 449 baby, 2 bóligi) boıynsha taksı júrgizýshisine qatysty sot prosesi aıaqtaldy, dep habarlaıdy Almaty-akshamy.kz Zakon.kz-ke silteme jasap.
Sot qaýlysy boıynsha, taksı júrgizýshisi ákimshilik quqyq buzýshylyq jasaǵany úshin jáne onyń qaıtalanýynyń aldyn alý maqsatynda kináli dep tanylyp, oǵan 5 táýlik merzimge ákimshilik qamaýǵa alý túrindegi jaza taǵaıyndaldy.
Sot úkimi zańdy kúshine engen joq.
Sot taksı júrgizýshisiniń buryn QR ÁQ Kodeksiniń 449 baby boıynsha ákimshilik jaýapkershilikke tartylǵanyn anyqtady. Ol 2023 jyly 21 mamyrda Almaty qalasyndaǵy halyqaralyq áýejaıdyń aýmaǵynda qoǵamdyq tártipti buza otyryp, Úndistan azamatyna tasymaldaý qyzmetterin kórsetý maqsatynda mazasyn alǵan.
"Sot otyrysynda M. jasalǵan quqyqbuzýshylyqtyń mán-jaıyn rastap, kinásin moıyndady jáne jasaǵan kinásine ókinetinin málimdedi. Sot ákimshilik jazanyń túri men mólsherin aıqyndaý kezinde ádeptilik qaǵıdalaryn elemeý, aınalasyndaǵylarǵa qurmetsizdik tanytý, jol berilmeıtin is-áreket, ıaǵnı azamattardyń mazasyn alý sekildi kýálandyrylǵan quqyqbuzýshylyqtyń naqty mán-jaılaryn nazarǵa aldy", delingen sot habarlamasynda.
24 mamyrda Almatyda Úndistan azamattaryn 800 dollar berýge májbúrlegen taksı júrgizýshisiniń qylmystyq jaýapkershilikke tartylǵany belgili boldy. 21 mamyrda jeke tasymaldaýmen aınalysatyn almatylyq Úndistannan kelgen týrıserdi kóligine otyrǵyzyp, olardy Almaty halyqaralyq áýejaıynan qonaq úıge deıin 1 myń teńgege aparýǵa ýáde beredi. Alaıda, dittegen jerge jetkende taksı júrgizýshisi jolaýshylardan 1180 dollar talap etken. Ol sheteldikterge zattaryn bermeımin dep qorqytqan. Aqyrynda týrıser oǵan 800 dollar berýge májbúr bolypty.