Májilis depýtaty Dáýlet Muqaev Týrızm jáne sport mınıstriniń orynbasaryna saýal joldap, Kólsaıda sýǵa túsken Pavel Dýrovqa nege aıyppul salynbaǵanyn surady, - dep habarlaıdy Massaget.kz tilshisi.
"Pavel Dýrov Kólsaıǵa kelip, sýǵa tústi. Aıyppul salynady dedi, biraq onda belgi joq dedi, "uqıt-suqıt" dep aıyppul salynbady. Al onda sýǵa túsken qansha qazaqstandyq aıyppul arqalady?" - dedi ol.
Týrızm jáne sport mınıstriniń orynbasary Serik Jarasbaev bul suraq Ekologıa mınıstrliginiń quziretinde dep jaýap berdi.
Depýtat týrısik nysandarǵa kirý aqysyna da toqtaldy.
"Týrısik nysandarǵa kirý aqysy eki túrli bolýy: ózimizdiń qazaqstandyqtarǵa nemese shetel azamattaryna. Myna turǵan Ózbekstannyń ózi, Túrkıada, men kórgen Vetnamda, Taılandta jaı saıabaqqa kirý óz azamattary úshin teńgege shaqqanda 250-300 teńge bolady da, al ózge eldiń týrıserine 10-15 ese baǵada bolady. Bizde osyny usynyp edim, "joq, týrıser kelmeı qoıady" degendeı bir ýáj aıtty. Shyny kerek, ony tolyq túsine almadym. Qashanǵy syrttan keletin qonaqtardyń yǵyna qaraı jyǵyla beremiz?! Mysaly orta eseppen Almatynyń botanıkalyq baǵy nemese Qoja Ahmet Iassaýı kesenesine kirý aqysy - 1000 teńge, sheteldik týrısine ol - 2 dollar. Qytaıdan týrıs kóp kelip jatyr deımiz. Iýánǵa shaqqanda, 10-14-aq ıýán. Olar úshin sadaqa aqsha ǵoı aınalyp kelgen kezde", - dedi depýtat.
Týrızm jáne sport mınıstriniń orynbasary Serik Jarasbaev depýtattyń saýalyna jaýap berdi. Sheneýniktiń aıtýynsha, qazir negizgi maqsat - sheteldik týrısi kóbeıtý. Byltyrdyń qorytyndysy boıynsha Qazaqstanǵa shamamen 15 mln sheteldik azamat kelgen.
"Basqa baǵa qoıatyn bolsaq, qazaqtyń qonaqjaılyǵyna áserin tıgizedi dep aıtýǵa da bolady. Sizdiń qoıǵan suraǵyńyzdy ekinshi oqylymǵa deıin qarastyraıyq", - dedi mınıstrlik ókili.