Múmkindigi shekteýli jandardyń daýys berýge kelýi úshin jaǵdaı jasaldy.
QR EHÁQM úılestirý keńesiniń múshesi, I toptaǵy múgedek Ulan Inkarbekov óziniń №42 saılaý ýchaskesine ınvataksımen keldi, dep habarlaıdy Almaty-akshamy.kz.
«Búgingi saılaý óte qarqyndy ótýde. Men jańa ǵana ózimniń saılaý ýchaskemde daýys berdim. Eshqandaı buzýshylyqtar joq, adamdardyń daýys berýge birtindep kelip jatqanyn kóremin. Múgedekterge eshqandaı kedergi joq, meni ýchaskege deıin arnaıy kólikpen alyp keldi. Kabına óte qoljetimdi boldy: kórý qabileti nashar adamdarǵa arnalǵan úlkeıtkish áınek, zaǵıptarǵa arnalǵan Braıl trafareti bar arnaıy búletender qarastyrylǵan ári ishi keń. Men óz arbammen tynysh kirip-shyǵa aldym. Saılaý ýchaskesiniń qyzmetkerleri meni óte jaqsy qarsy aldy», - deıdi Ulan Inkarbekov.