Almatyda RF-nyń masań kúıdegi eki azamaty áýe reısinen túsirildi.
Almaty qalasy áýejaıyndaǵy jelilik polısıa bóliminiń qyzmetkerlerine Air Astana áýeakompanıasy ókiliniń aktisi boıynsha eki jolaýshy berildi, dep habarlaıdy Almaty-akshamy.kz Polisia.kz-ke silteme jasap.
Onyń aıtýynsha, er adamdar Almaty – Astana baǵytyndaǵy áýe reısine otyrǵyzý kezinde ózderin dóreki ustap, bortserikterdi balaǵattaǵan.
Kólik polıseıleri tekserý kezinde masań kúıde bolǵan 34 jastaǵy Reseı Federasıasynyń eki azamatyn anyqtady. Medısınalyq kýálandyrýdyń nátıjesi boıynsha olar “ortasha” jáne “jeńil dárejedegi” masań kúıde bolǵan. Quqyq buzýshylarǵa qatysty QR ÁQBtK-niń 440-baby men 434-baby boıynsha ákimshilik materıal toltyrylyp, 5 AEK mólsherinde aıyppul salyndy.
Usaq buzaqylyq boıynsha materıal tıisti sheshim qabyldaý úshin Almaty qalasynyń ákimshilik quqyq buzýshylyq jónindegi mamandandyrylǵan aýdanaralyq sotyna joldanatyn bolady. Esterińizge sala keteıik, jyl basynan beri elimizdiń kólik polıseıleri túrli ákimshilik quqyq buzýshylyqtar jasaǵany úshin 12 539 azamatty ákimshilik jaýapkershilikke tartty, onyń ishinde alkogóldik ishimdikterdi ishkeni nemese qoǵamdyq oryndarǵa masań kúıde kelgeni úshin 1429 adam, usaq buzaqylyq úshin 179 adam jaýapqa tartylǵan.