Aldaǵy aıda 200-ge jýyq kezdesý ótkizýdi josparlap otyr
«AMANAT» partıasy Almaty qalalyq shtabynyń músheleri - shtab jetekshisi Meıirjan Otynshıev, depýtattar Ásıa Aqanova men Almat Qodasbaev Almaty sán jáne dızaın kolejiniń eńbek ujymymen jáne stýdentterimen el Prezıdentiniń Konstıtýsıalyq reformasyn túsindirý boıynsha kezdesý ótkizdi. Búginde atalǵan oqý ornynda 112 qyzmetker jumys isteıdi jáne myńǵa jýyq stýdent bilim alýda, dep habarlaıdy Almaty-akshamy.kz.
Kezdesý barysynda QR qoldanystaǵy Konstıtýsıasyna 33 túzetý engizý boıynsha túsindirme jumystary júrgizildi. Atap aıtqanda, saıası partıany tirkeý úshin qoldaýshylar sanyn 5 myń adamǵa deıin qysqartý, Konstıtýsıalyq sot qurý, sondaı-aq elimizde ólim jazasynyń joıylýy týraly sóz qozǵaldy. Osy jáne basqa da mańyzdy reformalarǵa partıanyń qalalyq shtabynyń basshysy Meıirjan Otynshıev jeke toqtaldy.
«Jańa Qazaqstannyń qalyptasýyna Prezıdent usynǵan oń ózgerister men reformalardy iske asyrýǵa úles qosý – bizdiń árqaısymyzdyń negizgi azamattyq boryshymyz. 1995 jyldan beri alǵash ótkeli jatqan referendým – Ata zańymyzdyń úshten bir bóligin ózgertýi múmkin. Sáıkesinshe, elimizdiń birshama mańyzdy salalarynda ózgeris bolady. Konstıtýsıaǵa ózgerister men tolyqtyrýlar engizý tek Qazaqstanda ǵana emes, kórshi elderde de oryn aldy. Bul qalypty saıası proses, óıtkeni ýaqyt óte kele qoǵamdyq-saıası jaǵdaıǵa qoıylatyn talaptar ózgerýde», - dep atap ótti shtab jetekshisi Meıirjan Otynshıev.
Budan basqa, Májilis pen máslıhattar depýtattaryn saılaýdyń aralas majorıtarlyq, tepe-teń modelin engizý josparda bar. Qalalyq shtab múshesi Ásıa Aqanovanyń aıtýynsha, bul qadam saılaýshylardyń kózqarastary men pikirlerin barynsha tolyq qamtýǵa jol ashady. Aldaǵy reformalar azamattardyń óńirlerdiń de, tutas el múmkindikteriniń jandanýyn bekitýge kómektesedi.
Jalpy, «AMANAT» partıasynyń Almaty qalalyq shtaby aldaǵy aıda 200-ge jýyq kezdesý ótkizýdi josparlap otyr.
Aqparattyq materıal «Respýblıkalyq referendým jónindegi» QR Zańynyń 7 baby 2 tarmaǵy boıynsha «AMANAT» partıasy qoǵamdyq birlestiginiń Almaty qalalyq fılıalynyń tapsyrysymen shyqty, jaýapty tulǵa M. B. Otynshıev.