Almatylyq polıseıler keńselerden 21 urlyq jasady degen kúdikpen eki azamatty ustady.
Qalalyq krımınaldyq polısıanyń málimetinshe, eki er adam – 26 jastaǵy S. esimdi azamat jáne 27 jastaǵy Y. esimdi azamat birneshe urlyq jasady degen kúdikke ilindi, dep habarlaıdy Almaty-akshamy.kz Polisia.kz-ke silteme jasap.
«Aldyn ala málimetter boıynsha, kúdiktiler negizinen tamaqtandyrý oryndarynda, sulýlyq salondarynda, medısınalyq ortalyqta jáne sport zaldarynda urlyq jasap júrgen. Bir sózben aıtqanda, adam kóp bolatyn jerde: tynysh qana urlyqty jasap, adamdar arasynda adasyp ketýge bolady. Sońǵy jaǵdaıda sport stadıonyna kelgen adam kıim aýystyratyn bólmede 80 myń teńgesin urlatyp alǵan. Taǵy birinde karaoke-bardyń klıenti uıaly telefonyn joǵaltyp alǵan. Qaskóılerden kelgen shyǵyndy boıjetken 370 myń teńgege baǵalaǵan. Kúdiktiler Alataý aýdanyndaǵy jeke sektordan da urlyq jasaǵan: erkin kirý arqyly materıaldyq qundylyqtary bar dúnıelerdi urlaǵan», – dedi Almaty qalalyq polısıa departamenti bastyǵynyń orynbasary Dıdar Ahanov.
Qazirgi ýaqytta ustalǵandardyń osyǵan uqsas basqa da qylmystarǵa qatysy bar-joǵy anyqtalyp jatyr. Odan ári jedel-izdestirý jáne tergeý sharalary júrgizilip jatyr. Qylmystyq is boıynsha basqa da málimetter QR QPK-niń 201-baby jáne QR Konstıtýsıasynyń normalaryna sáıkes jarıa etýge jatpaıdy.