Demalys kúnderi Almaty joldarynda qatty gúrildeıtin 28 avtokólik anyqtaldy, dep habarlaıdy almaty-akshamy.kz Polisia.kz silteme jasap.
Jergilikti polısıa qyzmetiniń málimetinshe, mamandandyrylǵan patrúldik polısıa batalónynyń qyzmetkerleri jol qozǵalysy erejelerin óreskel buzý, onyń ishinde kólikti zańsyz qaıta jabdyqtaý faktilerin anyqtaý úshin jergilikti reıd júrgizdi.
– Biz avtokólikterdiń dybys tunshyqtyrǵyshyndaǵy rezonatorlar týraly aıtyp otyrmyz. Olar gúrildegen jáne kúrkiregen áserler týdyrady. Mundaı shý azamattardyń tynyshtyǵyn buzady, ásirese, túnde qalanyń iri kósheleriniń boıynda ornalasqan úılerdiń turǵyndary úshin aıtarlyqtaı qolaısyzdyqtar týǵyzady. Buryn habarlanǵandaı, aldynǵy qatardaǵy bólimsheler reıdterdi jyldam jáne shýly kólik júrgizýdi unatatyndar jınalatyn jerlerde júrgizedi. Osylaısha ýaqytynda avtokólik júrgizýshileriniń qaýipti manevrleriniń aldyn alýǵa bolady. Reıdterdiń jalǵasyp jatqanyn atap ótkim keledi, – dep habarlady Almaty qalasy polısıa departamenti bastyǵynyń birinshi orynbasary Nurlan Almasbekov.