Almaty Ortalyq qalalyq klınıkalyq aýrýhanasynyń bazasynda qaıtys bolǵannan keıin donordan aǵzalar alynǵan.
Donordyń týystarynyń kelisiminiń arqasynda birden birneshe ómirlik mańyzdy aǵzalardy transplantattaýǵa múmkindik týǵan:
júrek 1988 jyly týǵan pasıentke;
baýyr-1982 jyly týǵan pasıentke;
oń búırek – 1996 jyly týǵan pasıentke;
sol jaq búırek – 2017 jyldyń qazan aıynan bastap transplantattaýdy kútken 1966 jyly týǵan pasıentke;
móldir qabyq -1983 jáne 1956 jyly týǵan pasıentterge ota arqyly salynǵan.
Prosesti uıymdastyrý men úılestirýdi Almatynyń jetekshi transplantattaý ortalyqtarymen birlesip, QR DSM Respýblıkalyq transplantattaýdy jáne joǵary tehnologıalyq medısınalyq qyzmetterdi úılestirý ortalyǵy qamtamasyz etken.
"Donordyń jasyna qaramastan, dárigerler aǵzalardyń jaǵdaıy jaqsy ekenin jáne olardyń odan ári jumys isteý múmkindigin atap ótti. Bul ómirdi saqtap qalýǵa kelgende jastyń kedergi emes ekenin taǵy bir ret rastaıdy", - delingen habarlamada.