Onyń ishinde 38 870 jasóspirim bar.
Almatyda bir táýlik ishinde 2 978 adam koronavırýsqa qarsy ekpe aldy. Onyń ishinde 1-komponentin 1 421 adam, 2-komponentin 1 557 adam saldyrdy, dep habarlaıdy Almaty-akshamy.kz.
«Ótken jyldyń 1 aqpany men bıylǵy jyldyń 23 aqpany aralyǵynda qalada 1 136 355 turǵyn vaksınanyń birinshi komponentin, 1 092 158 adam ekinshi komponentin saldyrǵan. Onyń ishinde 124 842 adamnyń jasy 60-tan asqan», - delingen Almaty qalalyq qoǵamdyq densaýlyq saqtaý basqarmasynyń baspasóz qyzmetiniń habarlamasynda.
Búgingi tańda Pfizer vaksınasyn 53 576 adam saldyrdy. Onyń ishinde 2 943 júkti áıel, 11 763 bala emizetin ana jáne 38 870 jasóspirim bar. 238 131 qala turǵyny revaksınalaýdan ótti.
«Búgingi tańda qalada medısına mekemelerinde 119 vaksınalaý pýnkti jumys isteıdi. 140 vaksınalaý brıgadasyna 520 medısına qyzmetkeri jumyldyryldy», - dep atap ótti Almaty qalasy qoǵamdyq densaýlyq basqarmasynyń baspasóz qyzmeti.