Nurtas Ońdasynovtyń ǵylym men mádenıettiń damýyna zor eńbek sińirgen qaıratker.
Qazaqstan Táýelsizdiginiń 30 jyldyǵy aıasynda Almaty qalasynda qoǵam jáne ǵylym qaıratkerin máńgi este qaldyrýǵa arnalǵan is-shara ótti, dep habarlaıdy Almaty-akshamy.kz
Eskertkishtiń ashylý saltanatyna qatysqan Almaty ákimi Baqytjan Saǵyntaev jınalǵandarǵa arnaǵan sózinde Nurtas Ońdasynovtyń qazaqstandyq ǵylym men mádenıettiń bolashaǵyn qalyptastyrýǵa sińirgen eńbegin atap ótti. Qıyn jyldarǵa qaramastan, ol el ekonomıkasyn damytý úshin qoldan kelgenniń bárin jasady.
Nurtas Ońdasynov 1904 jyly 26 qazanda týǵan. 1938-1951 jyldary – Qazaq KSR Mınıstrler Keńesiniń HKK tóraǵasy, 1954-1955 jyldary – QazKSR Joǵarǵy Keńesi Prezıdıýmynyń tóraǵasy, sodan keıin Gýrev (Atyraý) oblysy oblystyq atqarý komıtetiniń tóraǵasy, oblystyq partıa uıymynyń basshysy.
Nurtas Ońdasynov Qazaqstanda derbes ǵylym akademıasynyń qurylýyna yqpal etti. Onyń janynan Áıelder pedagogıkalyq ınstıtýty, Ulttyq konservatorıa, Deneshynyqtyrý ınstıtýty, Polıtehnıkalyq jáne tehnologıalyq ınstıtýttar ashylyp, Medısınalyq, Shet tilderi ınstıtýttarynyń fakúltetteri keńeıtildi.
Onyń basshylyǵymen Ertis – Qaraǵandy, Arys – Túrkistan, Myrzashól kanaldary, Atyraý, Temirtaý, Jezqazǵan, Balqash, Aqtóbe zaýyttary, sondaı-aq Moıynty – Shý temir joly salyndy.
Nurtas Ońdasynov arab, parsy tilderin jaqsy bildi. 1962 jyly zeınetke shyqqannan keıin shyǵarmashylyq jáne ǵylymı qyzmetpen aınalysty. 1969 jyly «Arabsha-qazaqsha túsindirme sózdigi», 1974 jyly «Parsysha-qazaqsha túsindirme sózdigi» jaryq kórdi.
Búst ulttyq ǵylym akademıasy ǵımaratynyń janyna ornatyldy, kezinde ony qurýǵa Nurtas Ońdasynov qatysqan bolatyn. Eskertkishtiń ashylý saltanatyna Qazaqstan Jazýshylar odaǵynyń tóraǵasy Ulyqbek Esdáýlet, jazýshy Dýlat Isabekov jáne basqa da zıaly qaýym ókilderi qatysty.