Otyrys barysynda ózekti máseleler qaraldy, olardy sheshý úshin Baqytjan Saǵyntaev qala ákiminiń orynbasarlary men aýdan ákimderine birqatar tapsyrmalar berdi.
Partıanyń Almaty qalalyq fılıalynyń tóraǵasy, qala ákimi Baqytjan Saǵyntaev Nur Otan partıasynyń Jol kartasyn iske asyrý máseleleri boıynsha Saıası keńes búrosynyń keńeıtilgen otyrysyn ótkizdi, dep habarlaıdy Almaty-akshamy.kz
Nur Otan partıasynyń Almaty qalasyndaǵy «Ózgerister joly: árkimge laıyqty ómir» atty saılaýaldy baǵdarlamasyn iske asyrý jónindegi Jol kartasy aıasynda áleýmettik, ınjenerlik jáne avtomobıl kóligi ınfraqurylymy boıynsha birqatar jobalar iske asýda. Mysaly, bilim berý, densaýlyq saqtaý, mádenıet, sport, kreatıvti ındýstrıalar men áleýmettik damý salalarynda 65 tarmaq oryndalýda.
Júrgizilgen jumys aıasynda qazirdiń ózinde 72 jekemenshik balabaqsha ashyldy (jospar boıynsha - 65 balabaqsha), 3 920 stýdentter TjKB boıynsha dýaldy oqýmen qamtyldy, №186, 187 mektepter aýmaǵyndaǵy balabaqshalardyń jáne toǵyz mektepterdiń janyndaǵy (№6, 121, 133, 170, 199, 144, 38, 166, 60) qosymsha korpýstardyń qurylystary, sondaı-aq 4 mektepterde (№40, 81, 54, 45) seısmıkalyq nyǵaıtý jáne jóndeý jumystary aıaqtaldy.
Sonymen qatar, №42 jáne №181 mektepterdegi dene shynyqtyrý-sport aımaqtary jańartyldy. Qalanyń aýlalary, saıabaqtary men alańdaryna 97 «Workout» sport qurylǵylary ornatyldy. Jalpy, balalardyń sportpen 1 267 seksıada tegin aınalysýlarynyń múmkindikteri keńeıtildi.
Sonymen qatar, medısınalyq mekemeler úshin jańa nysandar,onyń ishinde otbasylyq-dárigerlik ambýlatorıalar salý jobalaryn iske asyrýdyń barysy qaraldy. Búginde №6 emhana men aýdanaralyq týberkýlezge qarsy dıspanserdi seısmıkalyq nyǵaıtý jáne jóndeý jumystary aıaqtaldy.
Jol ınfraqurylymyn jaqsartý boıynsha jumystar jalǵasýda, mysaly Naýryzbaı aýdanynda Alataý kóshesiniń Sábdenov kóshesinen Raıymbek dańǵylyna deıingi 2 shaqyrymdyq ýchaskesi ashyldy. Tórt jolaqty jol Naýryzbaı aýdanynyń ákimshilik ortalyǵyn qalanyń negizgi magıstralimen baılanystyrdy. Jyl sońyna deıin metronyń eki beketiniń tehnıkalyq iske qosylýy josparlanýda.
Keńesti qorytyndylaǵan Nur Otan partıasy Almaty qalalyq fılıalynyń tóraǵasy, Almaty ákimi Baqytjan Saǵyntaev qalalyqtardyń ómir súrý sapasyn jaqsartý úshin Jol kartasyn iske asyrý arqyly alǵa qoıylǵan mindetterdiń ýaqytyly oryndalýyna baqylaýdy kúsheıtýdi tapsyrdy.