Partıalyq jobalar boıynsha naqty jumystar júrgizilýde.
Osylaısha, esepti kezeńde depýtattyq fraksıanyń 3 jınalysy ótkizildi, onda Nur Otan partıasynyń 2021–2025 jyldarǵa arnalǵan saılaýaldy baǵdarlamasynyń Almaty qalasy boıynsha oryndalýy jónindegi Jol kartasynyń jobasyn talqylaý jáne onyń baǵyttary boıynsha fraksıa múshelerin bekitý, sondaı-aq 2020 jyly jáne 2021 jyldyń I jartyjyldyǵynda halyqqa memlekettik qyzmet kórsetý tıimdiligin arttyrý boıynsha júrgizilip jatqan jumystar týraly 9 másele qaralǵan, dep habarlaıdy Almaty-akshamy.kz.
«2021 jyldyń İ jartyjyldyǵy mańyzdy qoǵamdyq-saıası oqıǵalarǵa toly boldy. Nur Otan–nyń Almaty qalalyq máslıhatyndaǵy depýtattyq fraksıasynyń músheleri almatylyqtarmen túrli stratalardaǵy komýnıkasıalardyń barlyq quraldaryn – ekspromt-kezdesýler, kanvassıngter men tikeleı efırlerge shyǵý joldaryn belsendi paıdalandy. Fraksıa depýtattarynyń qatysýymen 600 túrli formattaǵy is-sharalar ótkizildi, barlyǵy 143 myńnan astam adam qamtyldy. Biz osy baǵyttaǵy jumysty kúsheıtemiz», - dep túıindedi Almaty qalalyq máslıhaty janyndaǵy Nur Otan fraksıasynyń jetekshisi Lázzat Ibragımova.
Táýelsizdiktiń 30 jyldyǵyna arnalǵan «30 ıgi is» aksıasy aıasynda Almatyda 250-den astam otbasy kómek aldy. Qalanyń 700 soǵys ardagerine syılyqtar berildi.
Fraksıa jetekshisiniń aıtýynsha, partıalyq jobalar boıynsha naqty jumystar júrgizilýde. Mysaly, «Halyqqa kómek» partıalyq jobasy aıasynda jyl basynan beri 2000-ǵa jýyq ótinish oń sheshimin tapty.
Fraksıa músheleri BAQ pen áleýmettik jelilerde halyq kótergen rezonanstyq máselelerdi turaqty túrde qarastyratynyn atap ótken jón. Jalpy, partıalyq baqylaý komısıasy osyndaı 17-den astam máseleni qarap, jedel sheshti. Eńbek ujymdarymen, turǵyndar qaýymdastyqtarymen15 kezdesý, 300-den astam kóshpeli otyrystar men reıdter ótkizildi.
Partıanyń Almaty qalalyq fılıaly tóraǵasynyń birinshi orynbasary Meıirjan Otynshıev Nur Otan bılik pen qoǵam arasynda ózindik kópir qyzmetin atqaratynyn, megapolıs turǵyndarynyń usynystary men tilekteriniń mańyzdylyǵyn atap ótti.
«Azamattardy qabyldaý – bul olardyń muqtajdyqtaryna, problemalaryna, alańdaýshylyqtaryna nazar aýdarý. Nurotandyq depýtattar qalalyq, aýdandyq fılıaldardyń qoǵamdyq qabyldaý bólmelerinde azamattardy qabyldaýdy belsendi júrgizýde. Búgin partıanyń arqasynda 300-den astam almatylyq óz máselelerin sheshti. Biz qala turǵyndarynyń qandaı da bir máselelerin sheshýdiń nátıjeliligin arttyrýǵa nıettimiz», - dep atap ótti Meıirjan Otynshıev.
