Kúdikti ınternet resýrstaryn paıdalanǵan
Almaty polısıasy nesıe alaıaǵyn ustady, dep habarlaıdy Almaty-akshamy.kz qalalyq PD-ne silteme jasap.
22 jastaǵy jigit «isker» bolyp shyqty.
«Tergeý barysynda kúdiktiniń ınternet-resýrstardy paıdalana otyryp, ártúrli somada taýarlyq nesıeler rásimdegeni anyqtaldy. Qazirgi ýaqytta ol jasaǵan alaıaqtyqtyń 10 epızody dáleldendi. Buryndary jigittiń zańmen qıyndyǵy bolǵan joq. Bul onyń «ózin-ózi jumyspen qamtýdaǵy» jáne aldaý josparyn júzege asyrýdaǵy alǵashqy qadamdary. Qylmystyq zańnamada bul qylmys úshin úsh jyldan jeti jylǵa deıin bas bostandyǵynan aıyrý túrindegi jaza qarastyrylǵan», – dedi Áýezov aýdandyq Polısıa basqarmasynyń bastyǵy Ulan Ábilhaıyr.
QR QPK-niń 128 babyna sáıkes, QR QK-niń 190-baby 3-bóliginiń 4-tarmaǵynda (Birneshe ret jasalǵan alaıaqtyq) kózdelgen qylmystyq quqyq buzýshylyqty jasady degen kúdikpen, 1999 jyly týǵan J.esimdi azamat ustaldy. Kúdiktige qatysty aýdanaralyq tergeý soty «qamaýda ustaý» túrindegi bultartpaý sharasyn tańdady.