Ekpe saldyrmaǵan balalardyń kóbi kedeı elderde tirkelgen
Dárigerler álemdegi damýshy elderde 10 mıllıondaı bala juqpaly aýrýlarǵa qarsy eshqandaı ekpe saldyrmaǵanyn anyqtady. Mundaı zertteýdiń nátıjesi Lancet Global Health ǵylymı jýrnalynda jarıalandy.
«Eger ekpeni bala kezinde saldyrmasa, adamnyń densaýlyǵynda únemi problema týyndap otyrady. Sondyqtan ekpe saldyrmaǵan balalarǵa jahandyq baqylaý júrgizilip, bul máseleniń aldyn alý álemdik qaýymdastyqtyń basty mindetine aınalý kerek»,-deıdi Monreal ýnıversıtetiniń profesory Mıra Djorı.
Djorı men onyń áriptesteri joba aıasynda osyndaı qorytyndyǵa kelgen. Óıtkeni sońǵy otyz jylda DDU, IýNISEF jáne Vaksınalar men ımmýndaý jónindegi jahandyq aláns (GAVI) kedeı elderdegi balalarǵa vaksına salyp keledi jáne ol óz tıimdiligin kórsete bastaǵan.
Ǵalymdar zertteý júrgizý barysynda 1992-2016 jyldary Úndistanda áleýmettik qyzmettermen balalarǵa salynǵan vaksına statısıkasyn paıdalanǵan. Osy maǵlumatty ózge elderdegi jaǵdaımen salystyrǵanda dárigerler Úndistanda vaksına salýdan keıin jaǵdaı anaǵurlym jaqsarǵanyna kóz jetkizgen.
Sondaı-aq zertteý barysynda Úndistan men ózge elderde balalarǵa múldem ekpe saldyrmaý jaǵdaıy tómendegen. 1992 jyly ol 33% bolsa, 2016 jyly 10,1%-ǵa jetken. Ǵalymdardyń esepteýinshe qazir álemde 10 mıllıondaı bala týǵaly ınfeksıaǵa qarsy múldem ekpe saldyrmaǵan, onyń 2,9 mıllıony Úndistanda turady.
Zertteýshilerdiń aıtýynsha, ekpe almaǵan balalardyń barlyǵy áleýmettik jaǵdaıy tómen, az qamtylǵan otbasydan shyqqan. Olar aýrýdan qorǵalyp qana qoımaı, durys tamaqtanbaıdy da.