Baqytjan Saǵyntaevtyń tóraǵalyǵymen ótken Almatynyń tynys-tirshiligin qalpyna keltirý jónindegi qalalyq shtab otyrysynda ákimniń orynbasary Erjan Babaqumarov sport, mádenıet jáne óner mekemeleriniń jumys isteýi, sondaı-aq volonterlik uıymdardyń jumysy týraly aıtyp berdi, dep habarlaıdy Almaty-akshamy.kz
Ákim orynbasarynyń aıtýynsha, búginde qalanyń barlyq uıymdary men sport nysandary shtattyq rejımde jumys isteýde. Almaty qalasynyń Bas memlekettik sanıtarlyq dárigeriniń jańa qaýlysyna sáıkes, sanıtarlyq-epıdemıologıalyq normalardy saqtaı otyryp, barlyq oqý-jattyǵý prosesteri qaıta jandandy.
Búginde Almatyda 19 teatr jumys isteıdi, onyń 10-y memlekettik jáne 9-y jeke menshik. Barlyǵy 10 konserttik-oıyn-saýyq, demalys uıymynyń ishinde 6-aýy respýblıkalyq jáne 4-eýi qalalyq uıymdar.
Almaty qalasynyń Bas memlekettik sanıtarlyq dárigeriniń qaýlysyna sáıkes, barlyq mádenıet jáne óner mekemelerinde is-sharalar ótkizý toqtatyldy. Mádenıet basqarmasynyń vedimistik baǵynyshty mekemeleri shekteýli jumys rejımine kóshti-shtattyq qyzmetkerlerdiń 70-80% onlaın jumys isteıdi. Oflaın rejımde tek Almaty qalasynyń zoologıalyq parki men muraǵaty jumys isteıdi.
Almatyda sanıtarlyq-epıdemıologıalyq ahýaldyń nasharlaýyna baılanysty ǵıbadat obektilerinde (meshitter, shirkeýler, hramdar jáne t.b.) ujymdyq Qudaıǵa qulshylyq etýge (juma namazy, jeksenbi jınalystary jáne t. b.) tyıym salynǵan.
E. Babaqumarov qalanyń volonterlik uıymdarynyń jumysy týraly aıta kelip, aǵymdaǵy jyldyń 10 qańtarynan bastap qalalyq volonterlik shtabtyń jumysy bastalǵanyn atap ótti.
Kez kelgen kómek kórsetýge nıet bildirgen muqtaj azamattar men qala turǵyndarynan 800-den astam qońyraý tústi.
Aǵymdaǵy jyly 10-21 qańtar aralyǵynda kúndizgi ýaqytta shtab jataqhanalarda, komýnaldyq qyzmetterge, jataqhanada turatyn stýdentterge, áskerı qyzmetshiler men balalar úıiniń tárbıelenýshilerine 7 myńnan astam ystyq tamaq tasymaldady. Sondaı-aq, muqtaj almatylyqtarǵa 500-ge jýyq azyq-túlik paketi taratyldy.
Almaty qalasynyń etnomádenı birlestikteri quqyq qorǵaý organdarynyń, 4-shi qalalyq aýrýhananyń jáne basqa da qalalyq aýrýhanalardyń qyzmetkerlerine 5,5 mln teńgege azyq-túlik sebeti túrinde qaıyrymdylyq kómek kórsetti.