Bul týraly Baqytjan Saǵyntaevtyń tóraǵalyǵymen Almatynyń tynys-tirshiligin qalpyna keltirý jónindegi qalalyq shtab otyrysynda ákimniń orynbasary Erjan Babaqumarov aıtty, dep habarlaıdy Almaty-akshamy.kz
Qazirgi ýaqytta 71 myńnan astam balany qamtıtyn 860 mektepke deıingi uıym - 190 memlekettik jáne 670 jeke menshik uıym 20 qańtardan bastap shtattyq rejımde óz jumysyn qaıta bastady. Balabaqshalarǵa 47 255 bala barady (memlekettik - 21 337, jeke - 25 918).
Ákim orynbasarynyń aıtýynsha, bilim basqarmasy kún saıyn balalardyń kelýine jáne balabaqshalarda sanıtarlyq talaptardy qamtamasyz etýge monıtorıń júrgizýde.
24 qańtardan bastap, Qazaqstan Respýblıkasy Bas memlekettik sanıtarlyq dárigeriniń aǵymdaǵy jylǵy 21 qańtardaǵy qaýlysyna sáıkes, kontıngenti 302 myńnan astam oqýshysy bar 295 mekteptiń (207 memlekettik, 88 jeke) oqýshylary aralas formatta oqýǵa kiristi.:
- 600 oqýshyǵa deıin kontıngenti bar 1-4 synyptarda, 115 mektepte (32 memlekettik, 83 jeke) - shtattyq rejımde oqytý;
- kontıngenti 600 oqýshydan asatyn 180 mektepte (175 memlekettik, 5 jeke menshik) - mektepterdiń jobalyq qýatynyń 50%-nan aspaıtyn júktememen shtattyq formatta.
Budan basqa, jetim balalar men ata-anasynyń qamqorlyǵynsyz qalǵan balalarǵa arnalǵan 6 uıymnyń 354 tárbıelenýshisi shtattyq rejımde oqıtyn bolady.
Mektepterde sanıtarlyq talaptardyń saqtalýy erekshe baqylaýda, ata-analar arasynda túsindirý jumystary júrgizilýde.
24 qańtardan bastap 83 kolejdiń 73 719 stýdenti (23 memlekettik, 60 jeke menshik) oqýdy bastady. Olar úshin oqytýdyń aralas formaty qarastyrylǵan: praktıkalyq sabaqtar ıkemdi keste boıynsha oflaın, dáristik sabaqtar onlaın rejımde ótkiziledi.
Osyndaı formatta 24 myńnan astam oqýshyny qamtı otyryp, 23 qosymsha bilim berý uıymy óz jumysyn jalǵastyrýda.
Keri baılanysty qamtamasyz etý úshin bilim basqarmasynda, aýdandyq bilim bólimderinde jáne ár bilim berý uıymynda Call-ortalyqtar jumys isteıdi.