2022 jylǵy 30 maýsymda COVID-19 boıynsha qalyptasqan epıdemıologıalyq jaǵdaıy týraly
Almaty qalasynda aǵymdaǵy jyldyń maýsym aıynyń 16 kúninen bastap COVID-19 juqtyrǵandar sany kúnnen-kúnge kóbeıe bastap, 29 kúni 77 jaǵdaıǵa jetti. COVID-19 oqıǵalarynyń táýliktik ósimi 0,032% jetti, 100 myń turǵynǵa shaqqandaǵy aptalyq syrqattanýshylyq kórsetkishi 16,63–ke deıin kóterildi, reprodýktıvtik sany (R sany) 1,78–ge jetti (respýblıkalyq kórsetkish 1,76). Bul kórsetkish 1 naýqastan 2 adamǵa jýyq COVID-19 juqtyryp jatqanyn aıqyndaıdy.
Densaýlyq saqtaý mınıstrliginiń (ári qaraı - DSM) koronavırýstyń epıdemıologıalyq jaǵdaıyn baǵalaý matrısasynda Almaty qalasy ázirshe jasyl aımaqta – aǵymdaǵy jyldyń maýsym aıynyń 29 kúnine deıin 497 KVI jaǵdaıy tirkeldi.
Maýsymnyń 23 kúni referens-zerthanaǵa PSR nátıjesi oń bolǵan 74 synama jetkizilgen, sonyń nátıjesi boıynsha 58 (78,4%) synama stels-mýtasıanyń, 16 synama (22%) omıkron-mýtasıanyń yqtımalyn kórsetti (tolyq-genomdyq sekvenırlik zertteý jalǵasyp, rastaý kútilýde). Bul nátıjeler búgingi tańda oryn alyp jatqan COVID-19 oqıǵalarynyń órshýiniń sebepkeri vırýstyń stels-omıkron túri ekenin anyqtady.
Maýsym aıynyń 10 - 29 kúnderi 458 kovıdke shaldyqqan adamdardyń kópshiligi - 60% (275 adam), múldem vaksınasıa almaǵan, 112 (24%) adam tolyq vaksınasıa alǵan, biraq 6 aıdan keıin tıisti revaksınasıasyn almaǵan. Jalpy ımýnıteti álsiregender men joqtar aýrýǵa shaldyqqandardyń 84%-yn qurady. Bul jaǵdaı vaksınasıa men revaksınasıa almaǵandar stels-omıkronyna shaldyǵyp jatqanyna dálel.
Sonymen qatar, maýsym aıynyń 23 kúninen bastap vaksınasıany tolyq alǵandar COVID-19 ǵa qaıta shaldyǵa bastaǵany baıqalyp, kúnine 11 – 16 adamnan tirkele bastady - byltyr tolyq vaksına alǵandardyń jyl boıyna 3306 adam COVID-19-ǵa qaıta shaldyqsa, bıyl 6 aıdyń ishinde 5294 adam qaıta shaldyqty. Bul jaǵdaı 1 jyldan astam vaksına alǵandardyń ımýnıteti joǵala bastaǵanyn jáne stels-omıkron álsiregen ımýnıtetti buzyp, aǵzaǵa enetin qabileti joǵary ekenin aıqyndap tur.
Búgingi tańǵa qalyptasqan qarqynmen COVID-19 aýrýy jalǵasa berse, Almaty qalasy DSM koronavırýstyń epıdemıologıalyq jaǵdaıyn baǵalaý matrısasynyń sary aımaǵyna (belgili shekteýlerdi qoldanýǵa májbúrleıtin) kóp uzamaı, 100 myń turǵyndyq kórsetkish 25,0–ge jetkende, ótýi ábden múmkin. Osy jaǵdaıdyń aldyn alý, boldyrmaý maqsatynda qala turǵyndaryn vaksınasıalaý men revaksınasıalaý qajet, ásirese múldem vaksına almaǵandardy.
Búgingi kúni Almaty qalasy boıynsha halyqty koronavırýs ınfeksıasyna qarsy vaksınasıalaý jáne revaksınasıalaý jumystary jalǵasýda.
Megapolıste 2022 jyldyń 30 maýsymyna koronavırýs ınfeksıasyna qarsy birinshi dozamen 1,2 mln adam egildi, 79% qamtyldy, 2 dozamen 1,1 mln. astam adam egildi, 98% qurap otyr. «Komırnatı» vaksınasymen (Pfaızer) 1-dozamen 98 myńnan astam adam, 2-dozamen 91 myńnan astam adam egildi, 94% qurady.
Sonymen qatar, halyqqa revaksınasıa júrgizý jumystary da jalǵasýda, aǵymdaǵy jyldyń 30 maýsymyna revaksınasıamen 58% qamtyldy. Qala boıynsha vaksınasıa júrgizetin 64 egý pýnkti jumys jasap tur, búgingi kúnge egý pýnkterinde QazVak vaksınasy 124 453 doza, Vero Cell Sınofarm 185 112 doza bar. «Komırnatı» vaksınasy (Pfaızer) 6 123 doza bar, shamamen 10 000 doza qosymsha jetkizý kútilýde.
Qala halqyn koronavırýs ınfeksıasyna qarsy vaksınasıalaý úshin jetkilikti mólsherde vaksınamen qamtamasyz etilgen.